Deutronomi 4:1 - Holy Bible Nigerian Pidgin English

¹ Israel pipol, make una listin to di rules and law wey I won tish una naw. Make una obey dis law, so dat una go get betta life kon enter and stay di land wey awa grand-grand papa God promise sey E go give us.

Deutronomi 4:1 ပူးပေါင်းရင်းမြစ်များ

Psalms 105:45

All dis tins happen make dem for dey follow God laws kon obey en kommand. So make wi praiz di Oga wey bi awa God!

Psalms 119:4

God sey make wi obey and keep yor kommand well-well.

Exodus 18:20

Make yu tish dem God kommand and law. And make dem know how to live and work as God wont am.

Jeremaya 11:6

God tell mi, “Make yu go Judah town and Jerusalem street kon tell di pipol sey, ‘Make una listin and obey my kommand!’

Ezekiel 11:20

Dat time, dem go keep my law and obey my kommand with all dia heart. Dem go bi my pipol and I go bi dia God.

Ezekiel 20:11

“I give dem my kommand kon tell dem my laws wey dey give life to doz wey obey am.

Ezekiel 20:21

“But dat generashon still rijet mi. Dem break my laws and dem nor gri keep my kommand wey dey give life to doz wey obey am. Dem distroy di Sabat finish. So, I dey ready to make dem feel as my vexnashon strong rish and I like to kill all of dem as dem dey di wildaness,

Ezekiel 36:27

I go give una my spirit kon make sure sey una dey follow my laws and keep all di kommandment wey I give una.

Ezekiel 37:24

“Na from my savant David house, dia king go from kom. All of dem go dey happy under one king and dem go obey and respet all my laws.

Levitikus 18:5

So una must keep my law and kommandment; anybody wey do like dat, go get long life. Na mi bi God.

Levitikus 19:19

Make una obey my laws. Make una nor allow two difren animal sleep togeda. Make una nor plant two difren seed for one whole; or wear klot wey dem use difren material take make.

Levitikus 19:37

Make una obey all my laws and kommandment. Na mi bi God.’ ”

Levitikus 20:8

Make una obey my laws, bikos na mi bi God wey make una dey holy.

Levitikus 22:31

Make una try to do all my kommandment. Na mi bi Oga God.

Matiu 28:20

dey tish dem to do evritin wey I tish una. I go always dey with una until di world go end.”

Luke 1:6

Dem dey do wetin God like, dey follow all di tins wey God tok for en word.

John 15:14

Una go bi my friend if una do wetin I tok.

Romans 10:5

Na dis raitiousness wey di law tok, naim Moses rite about sey: “Di pesin wey follow di law must do evritin wey di law tok.”

Deutronomi 1:3

Forty years afta Israel pipol don komot Egypt, for di first day for di elevent mont, Moses kon tell Israel pipol evritin wey God kommand am.

Deutronomi 1:8

Look! I don already give di land to una. So make una go kollect di land wey mi God promise to give una grand-grand papa Abraham, Isaak, Jakob and dia shidren.”

Deutronomi 11:1

Una must love di Oga wey bi una God kon obey evritin wey E tok. Dat is, en law, rules and kommand wey E give una.

Deutronomi 11:32

make una dey kareful as una dey obey all di rules and law wey I dey give and tell una today.

Deutronomi 13:1

May bi una get profet or doz wey dey si wetin go happen among una and dem kon show una signs and wonders,

Deutronomi 16:20

Make una judge well, so dat una go stay long for di land wey di Oga una God dey give una.

Deutronomi 30:16

If una obey di Oga una God kommand wey I dey give una today so, den una kon love di Oga una God; dey do as E tok; dey keep en rules, law and kommand, una go get long life kon dey many more-more and di Oga una God go bless una for di land wey una won enter as una own.

Deutronomi 30:19

“I koll heaven and eart make dem bi witness against una today sey, I don give una choice between life and deat, blessing and curse. So make una choose life, so dat una with una shidren go get long life.

Deutronomi 30:20

Den una go love di Oga wey bi una God kon dey obey en vois and hold am strong, bikos God go give una long life for di land wey E promise to give una grand-grand papa Abraham, Isaak and Jakob.”

Deutronomi 4:40

If una obey all di laws and kommand wey I dey give una today, e go betta for una and una shidren. I dey give una dis kommand, so dat una go get long life for di land wey di Oga una God dey give una forever.

Deutronomi 4:45

All dis na di law, rules and kommand wey Moses tell Israel pipol afta e don lead dem komot from Egypt

Deutronomi 4:8

Na wish oda great kountry get rules and law like di ones wey I tell una today?

Deutronomi 5:1

Den Moses koll Israel pipol kon sey: “Make una listin well-well to all di law and rules wey I dey give una today, so dat una go learn and obey dem!

Deutronomi 5:33

Make una dey do just as E kommand una, so dat una nor go die; evritin go dey well with una and una go stay long for di land wey una dey go.

Deutronomi 6:1

Dis na di kommandment, statutes and ordinances wey Oga God give mi make I tish una and una must obey and do dem for di land where una dey go.

Deutronomi 6:24

Na di Oga awa God kommand us to obey and fear all en kommand, so dat E go kontinue to bless and guide awa life, as E dey do since kon rish today.

Deutronomi 7:11

So una must obey all dis kommand, law and rules wey I dey give una today.

Deutronomi 8:1

Make una make sure sey una dey obey all di kommandment wey I dey give una today. Den una go get long life kon many as una enter and stay for di land wey God promise sey E go give una grand-grand papa.

Deutronomi 8:11

Make una make sure sey una nor forget di Oga una God. Make una dey keep en kommand and law wey I dey give una today.

Deutronomi 9:1

Israel pipol, make una listin! Today una won cross Jordan River kon go take doz strong pipol wey get pawa pass una, land. Dem dey stay for towns wey di wall rish di sky!

Joshua 3:9

Joshua tell Israel pipol, “Make una listin to wetin di Oga una God dey tok!”