Deutronomi 31:3 - Holy Bible Nigerian Pidgin English

³ Na di Oga una God bi di Pesin wey go cross before una. E go distroy all di oda kountries for una and una go porshu dem komot. Oga God sey na Joshua go lead una cross Jordan River.

Deutronomi 31:3 ပူးပေါင်းရင်းမြစ်များ

Jenesis 48:21

Den Israel tell Josef, “Na die I dey so, but God go dey with yu and e go take yu go back to yor papa land.

Acts 7:45

“Afta, awa grand-grand papa dem karry di Tabanako wey God give dem with Joshua kon drive all di oda tribes and take dia land till di time wey David bigin rule Israel.

Deutronomi 1:30

Di Oga una God go first go fight for una, just as una si evritin wey E do for Egypt

Deutronomi 3:28

But yu go make Joshua di leader kon enkourage am, bikos na-im go take dis pipol cross kon make dem get di land wey yu go si.”

Deutronomi 31:14

Den God tell Moses, “Di time wey yu go die don near well-well. Make yu koll Joshua kom di Tabanako, so dat I go fit tell am wetin e go do.” So Moses and Joshua go di Tabanako where di pipol gada put.

Deutronomi 31:23

and God kon make Joshua, Nun pikin leader for Israel sey, “Make yu dey strong and nor fear, bikos yu go take Israel, my pipol go di land wey I promise dem and I go dey with yu.”

Deutronomi 31:4

God go ponish dis kountries just as E do to Amor pipol kings, Sihon and Og kon distroy dia land.

Deutronomi 34:9

Naw, Nun pikin, Joshua get wisdom well-well, bikos Moses don pray for am. So Israel pipol dey obey Joshua and dey do God kommand wey E give dem thru Moses.

Deutronomi 7:1

Wen di Oga una God take una enter di land wey una go-go stay, E go porshu many kountries komot for una. Kontries like: Hit, Girgash, Amor, Kanaan, Periz, Hiv and Jebus pipol. (Di pipol for dis seven kountries get pawa pass una.)

Deutronomi 9:3

But make una undastand today sey, di Oga una God wey dey waka for una front na fire wey dey burn anytin; E go win dem kon make dem bi like mumu for una front. Just as God tell una, na so una go kwik-kwik konker and distroy dem finish.

Hibru 4:8

Bikos if to sey Joshua give dem rest, God for nor tok about anoda day.

Joshua 1:2

“My savant Moses don die. So make yu get ready to cross Jordan River! Make yu take dis pipol enter di land wey I don promise to give dem.

Joshua 11:15

God savant, Moses, tell Joshua evritin wey God kommand and Joshua do as Moses tell am. E nor go against any of di kommand wey God tell Moses.

Joshua 3:7

God tell Joshua, “From today go, I go start to honor yu among Israel pipol, so dat dem go know sey I dey with yu, just as I dey with Moses.

Joshua 4:14

Dat day, God give Joshua honor for Israel pipol front. Dem respet am till e die, just as dem bin respet Moses.