Deutronomi 30:9 - Holy Bible Nigerian Pidgin English

⁹ For all di work wey una go do with una hand, God go make una prosper. Una and una animals go get plenty pikin and una plant go produce plenty food. Bikos God go dey happy to make una prosper, just as E dey happy wen una grand-grand papa dey prosper.

Deutronomi 30:9 ပူးပေါင်းရင်းမြစ်များ

Isaya 62:4

Dem nor go koll una “Pipol wey dem rijet again” or koll una land, “Di wife wey en husband drive komot house.” But dis na di new name wey dem go koll una, “God dey happy with una.” Dem go tell una land sey: “Yu marry well.” Dis na bikos God dey happy with una and E go bi like husband to una.

Isaya 62:5

Like yong man wey marry virgin, na so too en wey form una, go marry una. As husband dey happy with en wife, na so una God go dey happy with una too.

Isaya 65:19

Joy go full my heart, bikos of Jerusalem and en pipol. Pipol nor go kry or feel pain for der again.

Jeremaya 31:27

God sey, “Di time dey kom wen I go make pipol and animals full Israel and Judah land again.

Jeremaya 31:28

And just as I make sure sey dem rut, pul, ova-trow, distroy and skata dem, na so too I go make sure sey dem plant and build dem back again.

Jeremaya 32:41

I go happy to do good tins for dem and I go plant dem for dis land forever.

Jeremaya 33:9

Jerusalem go bring joy, honor and pride for mi and all di nashons for di world go fear wen dem hear about di good tins wey I go do for Jerusalem pipol and how I go make dia town prosper.”

Levitikus 26:4

I go send una rain for di korrect time, so dat una land go produce food and una trees go bear fruits.

Levitikus 26:6

I go give una peace for una land and fear nor go katch una wen una dey sleep. I go kill all di wild animals for di land and war nor go dey der.

Zefanaya 3:17

Di Oga yor God dey with yu and E dey always diliver yu. E dey happy well-well bikos of yu. En love nor go make yu fear again and E go dey sing sweet songs bikos of yu.’

Luke 15:32

But e good make I do party, bikos yor broda die before, but naw, e don kom back to life, e lost before, but naw, wi don si am.’ ”

John 15:11

I don tell una all dis tins, so dat my joy go dey inside una and una joy go full well-well.

Deutronomi 28:4

God go bless una shidren and una plants. E go still bless una animals and dia pikin wey dem go born.

Deutronomi 28:63

Just as e sweet God to prosper and make una plenty, na so too God go dey happy to distroy una. “E go remove una from di land wey una won enter go stay,

Deutronomi 30:8

Den una go obey God vois kon keep all en kommand wey I dey kommand una today.

Deutronomi 7:14

For all di kountries for di eart, na una God go bless pass. Evry man and woman among una go get shidren and una animals go dey born too.