Deutronomi 30:6 - Holy Bible Nigerian Pidgin English

⁶ Di Oga una God go sekonsaiz una and una shidren heart by ensef, so dat una go love am with all una heart and soul, den una go get betta life.

Deutronomi 30:6 ပူးပေါင်းရင်းမြစ်များ

Exodus 20:6

But I go show my love to many generashon, bikos dem love and keep my kommand.

Jeremaya 24:7

I go let dem know sey na mi bi God. Den, dem go bi my pipol and I go bi dia God, bikos dem go kom back kon serve mi with all dia heart.

Jeremaya 32:39

Di only tin wey I go let dem do for dis life: na to always dey honor mi, bikos na for dem and dia shidren-shidren good.

Jeremaya 4:4

Make una keep di kovenant wey una make with mi wey bi una God kon dedikate unasef to mi. If una nor do am and una kontinue di bad tins wey una dey do, my vexnashon go burn una like fire. E go burn well-well and nobody go fit kwensh am.”

Jeremaya 9:26

I go ponish Egypt, Judah, Edom, Ammon, Moab and di pipol for desert wey kut dia hair short for di temple. Even for Israel, nobody wey dem sekonsaiz, keep my kovenant for en heart.”

Levitikus 18:5

So una must keep my law and kommandment; anybody wey do like dat, go get long life. Na mi bi God.

Matiu 22:37

Jesus ansa, “Make pesin love God with all en heart, with all en soul and with all en mind.

Romans 11:26

Na so God go save all Israel pipol just as en word sey: “Di pesin wey go save Israel pipol go kom from Zion, den Jakob shidren nor go dey do bad tins again.

Romans 8:28

And wi know sey evritin dey work for awa good, bikos wi love God and dey do wetin E wont.

1 Korintians 8:3

But God know di pesin wey love am.

2 Korintians 5:17

So, if any man dey inside Christ, e don dey new, Christ don klean di bad tins wey e do before and evritin don turn to new one!

Deutronomi 10:16

So make una shange una heart and stop to dey do strong head.

Deutronomi 11:1

Una must love di Oga wey bi una God kon obey evritin wey E tok. Dat is, en law, rules and kommand wey E give una.

Deutronomi 6:5

So una must love di Oga una God with all una heart, all una soul and all una pawa.

Kolossians 2:11

Dem sekonsaiz una inside am. Dis nor bi human being sekonsishon, but na di spirit own wey Christ dey do.

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

James 2:5

My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?

1 John 4:7

My friends, make wi love one anoda, bikos love kom from God and anybody wey love odas, na God pikin and e know God,