Deutronomi 30:3 - Holy Bible Nigerian Pidgin English

³ den di Oga una God go sorry for una. E go bring una kom back from di kountries wey E bin skata una go kon make una prosper again.

Deutronomi 30:3 ပူးပေါင်းရင်းမြစ်များ

Jenesis 28:15

I go dey with yu! I go guide yu for anywhere wey yu dey go kon bring yu kom back to dis land. I nor go leave yu until I don do wetin I promise yu!”

Jenesis 48:21

Den Israel tell Josef, “Na die I dey so, but God go dey with yu and e go take yu go back to yor papa land.

1 Kronikles 16:35

Make una pray kon sey, ‘Awa Oga God, make Yu kom save us! Make Yu gada us kon save us from dis nashons! Den wi go tank and praiz yor name wey dey holy.’

Nehemaya 1:9

But if una turn back from una sin kom meet mi and do wetin I kommand una, I go bring una kom di place wey I don choose sey una go for woship mi, even doh una skata for evriwhere for dis world.’

Job 42:10

Afta Job don pray for en friends, God kon make am rish for evry side again and E gi-am taims-tu of evritin wey e lost.

Psalms 107:3

Bikos E don gada en pipol from many land; from east and west, nort and sout,

Psalms 147:2

God dey ribuild Jerusalem and E go bring en pipol kom back to Israel from di land where dem dey.

Isaya 27:12

Di time dey kom wen God go shake di tree from Eufrates River go rish di rut for Egypt and just as farmer dey separate korn from dia kanda, na so too God go gada and separate en pipol one-by-one.

Isaya 43:5

Make una nor fear, bikos I dey with una! I go bring una pipol from east and west kom house back.

Isaya 54:7

“Even doh I leave una for shot time, I go take una back and show una my love wey nor dey end.

Isaya 56:8

God wey get pawa, wey bring Israel en pipol kom back from Babilon, don promise sey E go bring odas kon join dem too.

Jeremaya 12:14

God sey, “I still get sometin wey I won tok about di wiked nashons wey surround Israel; di nashon wey distroy di land wey I give my pipol. I go rut dem from dia kountry like tree wey dem rut komot for groun, den I go save Judah pipol.

Jeremaya 23:3

I go gada my pipol wey remain from di kountry where I skata dem put kon bring dem kom back to dia land. Dem go get many shidren kon prosper for evritin and for evry side.

Jeremaya 29:14

Yes! I sey, una go find mi and I go bring una kom back to una land. I go gada una from evry kountry and place wey I skata una go and I go bring una kom back to di land wey I from send una go Babilon. Mi, wey bi God, don tok.’

Jeremaya 31:10

All di nashon, make una hear wetin Oga God won tok, den una go-go tok about am for far land wey dey near di sea sey, “Just as shepad dey guide en sheep, na so too God wey skata en pipol, go gada and guide dem again.

Lamentashons 3:22

God faithful love nor dey end! And en mesi nor dey finish.

Lamentashons 3:32

Even doh sey E dey make us sofa naw, E still dey sorry for us, bikos en great love for us nor dey end.

Ezekiel 11:17

“So, make yu tell dem wetin mi wey bi God dey tok. I go gada dem kom back from di land where I skata dem go kon give dem Israel land again.

Ezekiel 36:24

From evry tribe, kountries or towns wey una dey, I go bring una kom back to una house.

Ezekiel 39:28

Den my pipol go know sey na mi bi di Oga wey bi dia God. Dem go know, bikos I send dem go anoda land prisonas before, but naw, I don gada dem from all di kountries where I skata dem go before kon bring dem back to dia land and I nor forget or leave anybody for der.

Mikah 7:19

Yes! Yu go sorry for yor pipol. Awa sins go dey under yor leg and Yu go trow dem go under di sea!

Zekaraya 10:9

Even doh I skata dem go oda nashons, dem go remember mi for anywhere wey dem dey. Dem with dia shidren wey survive, go kom back to Israel land.

Romans 11:23

If Israel pipol turn back kon meet God, E go put dem back for di tree, bikos E get pawa to do am.

Romans 11:26

Na so God go save all Israel pipol just as en word sey: “Di pesin wey go save Israel pipol go kom from Zion, den Jakob shidren nor go dey do bad tins again.

Romans 11:31

Bikos God don sorry for una, E go still sorry for dem too.

Deutronomi 13:17

Anytin wey God sey E go judge, una must nor take am at-all. Den God nor go vex again, but E go sorry for una kon make una plenty as E promise una grand-grand papa.

Deutronomi 4:27

God go skata una among di pipol and una nor go many for di kountries wey God go drive una go.