Deutronomi 3:28 - Holy Bible Nigerian Pidgin English

²⁸ But yu go make Joshua di leader kon enkourage am, bikos na-im go take dis pipol cross kon make dem get di land wey yu go si.”

Deutronomi 3:28 ပူးပေါင်းရင်းမြစ်များ

1 Kronikles 22:6

E send message go koll Solomon kon tell am make e build di Oga wey bi Israel God Temple.

1 Kronikles 28:20

David tell Solomon en pikin, “Make yu nor fear, but start di work with strong heart and nor let anytin stop yu. God wey I dey serve, go dey with yu. E nor go abandon yu, but E go stay with yu till yu finish di temple and evritin wey go dey inside.

John 1:17

Na thru Moses God give us di law, but God give us favor and trut, thru Jesus Christ.

Acts 7:45

“Afta, awa grand-grand papa dem karry di Tabanako wey God give dem with Joshua kon drive all di oda tribes and take dia land till di time wey David bigin rule Israel.

Deutronomi 1:37

And God sef still vex for mi, bikos of una. E tell mi sey, “Even yu, Moses nor go enter di land wey I promise una!

Deutronomi 1:38

But na Nun pikin Joshua wey dey assist yu go enter. So make Yu enkourage am, bikos na en go lead Israel pipol enter di land.

Deutronomi 31:23

and God kon make Joshua, Nun pikin leader for Israel sey, “Make yu dey strong and nor fear, bikos yu go take Israel, my pipol go di land wey I promise dem and I go dey with yu.”

Deutronomi 31:3

Na di Oga una God bi di Pesin wey go cross before una. E go distroy all di oda kountries for una and una go porshu dem komot. Oga God sey na Joshua go lead una cross Jordan River.

Deutronomi 31:7

Den Moses koll Joshua kom out for all di pipol present kon sey, “Make yu dey strong and make yor heart nor shake, bikos na yu go lead dis pipol go di land wey God promise dia grand-grand papa and na yu go make dem get am.

Hibru 4:8

Bikos if to sey Joshua give dem rest, God for nor tok about anoda day.

Joshua 1:2

“My savant Moses don die. So make yu get ready to cross Jordan River! Make yu take dis pipol enter di land wey I don promise to give dem.