Deutronomi 26:11 - Holy Bible Nigerian Pidgin English

¹¹ Afta una don woship am, una go celebrate bikos of all di good tins wey di Oga una God don give una and una family, di Levi and di strenjas wey dey stay among una.

Deutronomi 26:11 ပူးပေါင်းရင်းမြစ်များ

Nehemaya 8:10

“Naw, make una go house go celebrate. Share food and wine with pipol wey nor get. Today na holy day for awa Oga God, so make una nor kry, bikos na God happiness dey make una strong.”

Ekklesiastes 3:12

So I gri sey, e nor get anytin wey betta rish to dey happy and enjoy yorsef as far as yu dey alive.

Ekklesiastes 3:13

So, make pipol chop, drink and enjoy wetin dem work for, bikos all dis tins na God gift.

Ekklesiastes 5:18

I still don notis one tin, at least, dis one dey good: E good for pipol to chop, drink and enjoy dia work for di short time wey God give dem to live dia life, bikos na so God wont am.

Ekklesiastes 7:14

Wen God give yu money, make yu tank God and enjoy am, but wen sofa kom, make yu know sey e still kom from God too, bikos nobody go fit tok how tumoro go bi.

Isaya 65:14

My pipol go sing dey happy, but doz wey nor dey obey mi, go kry with pain.

Zekaraya 9:17

Dem go dey good and fine well-well! Di korn and wine wey di yong pipol go dey chop and drink, go make dem grow and dey strong.

1 Korintians 9:11

So if wi don plant spiritual seed among una, e go dey too mush if wi ask for ordinary food and drink from una?

Deutronomi 12:12

For der, una must celebrate for di Oga una God present, with all una shidren, savants and Levi shidren wey dey stay una town, (bikos dem nor get land or propaty among una).

Deutronomi 12:18

Una must chop dis tins for di Oga una God present and e go bi for di place wey E choose. Make una chop for der with una shidren and Levi wey dey stay with una and for evritin wey una dey do, make una dey celebrate for di Oga una God present.

Deutronomi 12:7

For der, una with una family go chop for di Oga una God present and una go happy for evritin wey una get, bikos di Oga una God don bless una.

Deutronomi 16:11

Dis na time to celebrate before di Oga una God for di place wey dem for dey woship am; di place wey E choose sey make dem honor en name. Make una celebrate with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die wey dey stay with una.

Deutronomi 27:7

Una go still offa fellowship ofrin kon chop dem for der as una dey happy for di Oga una God present.

Deutronomi 28:47

Bikos una nor gri serve di Oga una God with betta heart and mind for di good tins wey E do for una,

Filippians 4:4

Make una always dey happy inside Christ. I dey tok again sey, make una dey happy!