Deutronomi 18:18 - Holy Bible Nigerian Pidgin English

¹⁸ From among dia own pipol, I go raiz one profet like yu. I go put my word for en mout and e go tell dem anytin wey I kommand.

Deutronomi 18:18 ပူးပေါင်းရင်းမြစ်များ

Psalms 110:4

God don promise and E nor go break di vow wen E make sey: “Yu bi priest forever like Melkizedek.”

Psalms 2:6

“I don choose my king for Zion wey bi my holy hill.”

Exodus 4:12

Naw, make yu go and I go help yu tok kon tell yu wetin yu go tok.”

Exodus 4:15

Den yu go tell am wetin e go tok. As for mi, I go tok thru una and I go tish two of una wetin to do.

Isaya 50:4

God wey get pawa don tish mi wetin I go tok, so dat I go fit make pipol wey dey weak, strong. Evry morning, I dey-dey happy to hear wetin God dey tish mi.

Isaya 51:16

I stresh heaven kon make di eart foundashon! I tell Jerusalem, ‘Una bi my pipol! I don tish and protet una with my hand.’ ”

Isaya 51:4

My pipol, make una listin to mi! Make una listin to wetin I dey tok: I dey tish di nashons and my laws go bring lite to dem.

Jeremaya 1:9

So God stresh en hand kon tosh my mout, den E sey, “Make yu listin, na mi go tell yu wetin yu go tok.

Hosea 12:14

But Efraim pipol make God vex well-well; so E go ponish dem bikos of di innocent pipol wey dem kill kon pay dem back for dia sin.”

Amos 2:11

I make some of una pikin profets and some of una yong men, I make dem Nazirites. So God kon ask dem, ‘Israel pipol, nor bi trut I dey tok?’

Malakai 3:1

“Si! I dey send my messenja kom and e go prepare di way for mi. Den Oga God wey una dey find, go kom en temple at wons.

Nombas 12:13

Den Moses kry to God kon sey, “My God, abeg make Yu listin to am.”

Nombas 23:16

God kom meet and tell Balaam, “Make yu go back go meet Balak kon tell am wetin I tell yu.”

Nombas 23:5

Den God tell Balaam, “Go back go meet Balak, tell am wetin I tell yu.”

Luke 24:19

Jesus ask dem, “Wish tins?” Dem ansa, “Di tins about Jesus wey kom from Nazaret, one man wey wetin e dey tok and do show sey en na God profet

John 1:21

Den dem ask am, “So, na who yu bi? Abi yu bi Elijah?” E kon sey, “No, I nor bi Elijah.” Dem ask am again, “Yu bi di profet?” E ansa, “No o-o!”

John 1:25

Dem kon ask John sey, “Why yu dey baptize pipol, if yu nor bi di Christ or Elijah or di Profet?”

John 1:45

Wen Filip si Netanel, e tell am, “Wi don si di pesin wey Moses and di profets rite about for dia book sey, ‘En name na Jesus, wey en home-town bi Nazaret and na Josef pikin e bi.’ ”

John 12:48

Anybody wey rijet mi and nor do wetin I tok, God go use dis my word judge am for di last day.

John 15:15

I nor go koll una savant again, bikos savant nor dey undastand wetin en oga dey do, but I dey koll una my friend, bikos I don show una evritin wey I hear from my Papa.

John 17:18

Just as yu send mi kom inside dis world, na so too I send dem go inside di world.

John 17:8

bikos I don tell dem di message wey yu give mi. Dem don asept wetin I tell dem and dem know and bilive sey na yu send mi.

John 4:25

Di woman ansa, “I know sey di Mezaya (di one wey dem dey koll Christ), wey go save evribody, go kom and anytime wen e kom, e go tell us evritin.”

John 8:28

Den Jesus sey, “Wen una don karry mi put for cross, una go know who I bi. I nor just dey do anytin wey I like, but I dey always do wetin my Papa tell mi.

Acts 3:22

Even Moses sef tok before sey, Jehovah wey bi una God go send one profet to una, just as E send mi and e go bi una family memba. Una must obey evritin wey e sey make una do.

Acts 7:37

Na dis Moses tell Israel pipol sey, ‘Na from among una God promise sey, E go raiz-up one profet wey go lead una.’

Deutronomi 18:15

Di Oga una God go raiz profet like mi from among una and e go bi una own kountry man and make una listin to am.

Deutronomi 33:5

Na God bi king for Israel wen all di leader among di pipol go gada go meet kon gada all di tribe for Israel as one.”

Deutronomi 34:10

E nor ever get any oda profet for Israel wey bi like Moses, wey si God face-to-face.

Deutronomi 5:5

(Dat time I stand between God and una, so dat I go tell una God message, bikos una dey fear di fire, so una nor fit klimb di mountin.)”

1 Timoti 2:5

Bikos na only one God dey and na Jesus Christ wey kom as human being, bi di pesin wey dey bring God and human being togeda.

Hibru 7:22

Bikos God swear like dis, Jesus don make us dey sure of di new kovenant wey betta pass.