Deutronomi 17:19 - Holy Bible Nigerian Pidgin English

¹⁹ Make e always keep dat kopy with am evriday as long as e dey alive. Like dat, e go learn how to fear di Oga en God as e dey obey all di laws and kommand.

Deutronomi 17:19 ပူးပေါင်းရင်းမြစ်များ

2 Kings 22:10

E still tell di king, “Priest Hilkaya give mi one book.” Den Shafan read di book for di king.

Psalms 1:2

Instead, e dey always dey happy to obey God kommand and na both for day and nite, e dey study dem.

John 5:39

Una dey read God word well-well, bikos una bilive sey na wetin una read, go give una life wey nor dey end and na dis same word dey tok about mi,

Deutronomi 11:18

So make una keep dis kommand for una mind. Make una tie dem for una hand kon wear dem for una head, so dat una go remember dem.

Deutronomi 4:10

Make una nor forget di day wey una stand before di Oga una God for Mount Horeb where E for tell mi sey, “Gada all di pipol kom meet mi, so dat I go tell dem my kommand. Den dem go learn to dey fear mi as long as dem dey alive and dem go tish dia shidren to dey fear mi too.”

Deutronomi 4:9

But make una look well! Make una dey kareful, so dat una nor go forget wetin una don take una eyes si. As long as una dey life, make una nor let dis tins komot from una mind! Make una make sure sey una tell una shidren and grand-shidren about dis tins.

Deutronomi 5:1

Den Moses koll Israel pipol kon sey: “Make una listin well-well to all di law and rules wey I dey give una today, so dat una go learn and obey dem!

Joshua 1:8

Dis law wey God give yu must nor komot from yor mout! Yu must dey read and tink of am evriday and nite, so dat yu go fit obey evritin wey dey inside. Den yor way go dey rite and evritin go betta for yu.