Deutronomi 16:16 - Holy Bible Nigerian Pidgin English

¹⁶ For evry year, evry man for Israel go dey celebrate dis three feast: Bread wey nor get yist, Harvest Feast and Shelta Feast. For each feast, evribody must karry gift kom give di Oga una God for di place wey E choose.

Deutronomi 16:16 ပူးပေါင်းရင်းမြစ်များ

1 Kings 9:25

Na three times a year Solomon dey give burnt and fellowship ofrin to God. E still dey burn incense give God. So e kon build di temple finish.

2 Kronikles 8:13

E do evritin for di sakrifice, just as Moses tok about Sabat Day, New Moon festival and di three celebrashon wey dem dey do wey bi: Bread Wey No Get Yist Feast, Di Week Feast and Di Shelta Feast.

Ezra 3:1

For di sevent mont wey Israel pipol don dey stay for dia towns, all of dem kon gada for Jerusalem

Nehemaya 8:15

So dem make and send dis kommand go round Jerusalem and di oda village and towns sey: “Make una go di hills go kut wood kom from olive, myrtle, palm and oda trees make wi take build where wi go stay celebrate di festival, just as dem rite am for di law.”

Psalms 122:4

Israel wey bi God pipol, all en tribes dey go der go woship am. Just as Israel law tok, dem dey kom give God tanks for der.

Psalms 84:7

Yu dey provide for dem as dem dey travel go di temple and each of dem dey kom meet Yu for Zion.

Psalms 84:8

My Oga! Di God wey get pawa! Make Yu hear my prayers! Jakob God, make Yu listin to mi!

Psalms 96:8

Make una give God di glory wey bi en own! Make una bring una ofrin as una dey enter en temple.

Exodus 34:20

Una fit use one lamb take buy donkey first pikin back, but if una nor go fit shange am, den make una break en neck. Una must buy all una first-born back. Nobody go kom meet mi with empty hand.

Exodus 34:24

Bikos una dey kom meet mi di Oga una God three times evry year, I go drive di pipol for doz kountry wey won stop una and I go make una land big; so dat nobody go fit take una land.

Isaya 23:18

Di profit wey dem go make, dem go gi-am to God. Dem nor go keep di money or allow am many for one place, but dem go give di profit to pipol wey always dey stay God present and dis pipol go use am take buy enough food and fine-fine klot wey dem go wear.

Isaya 33:20

Instead, una go si Zion, di town where wi for dey celebrate awa festival. Una go si Jerusalem too! E go dey save well-well and pipol go stay der! E go bi like tent wey dem nor dey karry komot from where e dey; tent wey dem nor dey pul en peg from groun and en rope nor go kut.

Ezekiel 36:38

Just as sheep wey dem won offa as sakrifice dey full Jerusalem before di feast, na so too pipol go full di town wey bin dey empty. Den evribody go know sey na mi bi God.”

Levitikus 23:34

“Make yu tell Israel pipol sey, ‘For di Fifteent day for di sevent mont, dem must use seven days take do di house feast for God.

Haggai 1:9

“Una dey put mind sey una harvest go plenty, but na small una dey get. Even wen una karry di small food wey una harvest rish house, I go blow dem trowey. Na wetin make mi do like dat? Na bikos my temple skata and all of una dey build fine-fine house for unasef.

Matiu 2:11

Dem enter di house, si di pikin with en mama kon knee down woship am. Den dem open dia bag kon gi-am some gifts wey bi, gold, frankincense and myrrh.

Mark 12:3

But di tenants seize di savant, beat am kon send am go back with empty hand.

John 7:2

Di time kon rish wen Jew pipol dey do dia feast wey dem dey koll Tabanako Feast.

Deutronomi 16:15

Una must celebrate dis feast for seven days to honor di Oga una God for di place wey E choose, bikos na en bless una well-well kon make all una work, prosper. Dis feast go bi time for evribody to happy.

Deutronomi 16:17

Evribody must give God as dem fit do rish and na akordin to how di Oga God bless dem rish.

Deutronomi 31:11

wen Israel pipol go kom before di Oga una God for di place wey E choose, yu must read dis law for dem make dem hear.

1 Samuel 1:3

Evry year, Elkanah dey from en town go woship and sakrifice to God for Shiloh. Na der, Eli two pikin (Hofni and Finehas) dey for serve God as priest.

1 Samuel 6:3

Dem kon ansa, “If una won riton Israel God box go back to where e dey before, una must karry sometin join am. Una must put ofrin wey go show sey wetin una do nor good. Den una go dey well and una go know wetin make God dey ponish una.”