Deutronomi 15:10 - Holy Bible Nigerian Pidgin English

¹⁰ Make una dey give to poor pipol with happiness, bikos di Oga una God go bless una for evritin wey una dey do.

Deutronomi 15:10 ပူးပေါင်းရင်းမြစ်များ

Proverbs 22:9

Do good and share yor food with poor pipol, den God go bless yu.

Ekklesiastes 11:1

Put yor money for betta business and e nor go tey before yu go bigin gain am.

Isaya 32:8

But good pesin dey plan to do good tins and na-im karata dey save am.

Isaya 58:10

if una give food to pipol wey dey hongry kon satisfy doz wey nor get, di darkness wey dey round una, go brite like aftanoon sun.

Matiu 25:40

“Den di king go ansa, ‘I tell una true word, just as una do am give di pesin wey small pass among my brodas and sistas, una don do am for mi.’

Acts 20:35

Like dis, I don show una sey wi must help pipol wey dey weak and una remember wetin Jesus Christ tok, wen e sey, ‘E betta make pesin dey give pipol tins, dan make e dey kollect from dem.’ ”

Romans 12:8

If wi dey prish, make wi prish well. If wi dey give, make wi do am with betta mind. If wi dey lead odas, make wi do awa best. If wi dey do good to odas, make wi do am with happiness.

Deutronomi 14:19

Any insect wey dey waka for groun with feada nor dey klean for una and make una nor chop dem.

Deutronomi 14:29

Make una gi-am to Levi pipol, bikos dem nor get land or propaty among una. Make una still give to di strenjas wey dey stay with una; shidren wey nor get papa and mama and wimen wey dia husband don die, so dat dem go chop beleful. Den di Oga una God go bless una for evritin wey una dey do.

Deutronomi 15:18

Make una nor si am as big lost wen una free una savants. Make una remember sey, di work wey dem don work for una for six years, if una sey make una hire pesin make e do am, una go pay am times two. So di Oga una God go bless una for dis tin wey una do.

Deutronomi 15:4

Make poor pesin nor dey among una, bikos di Oga una God go really bless una for di land wey E dey give una as una own forever.

Deutronomi 23:20

Una fit borrow with intrest give strenja, but nor bi to una own fellow Israel broda and if una keep dis kommand, di Oga una God go bless una for evritin wey una dey do for di land wey una go soon take as una own.

Deutronomi 24:19

Wen una harvest una plant kon leave some for di farm, make una nor go back go gada dem. Make una leave doz ones for strenjas; doz wey nor get papa and mama and doz wey dia husband don die, den di Oga una God go bless una for all di work wey una dey do.

Deutronomi 28:8

God go kommand blessing for una aria and for evritin wey una dey do; yes, E go bless una for di land wey E dey give una.

Hibru 13:16

Make una nor forget to do good and to share wetin una get with each oda, bikos doz kind sakrifice, dey make belle sweet God.

1 Pita 4:11

Pesin wey dey prish; make e prish God word well. Pesin wey dey help odas, make e do am with di pawa wey God gi-am, so dat for evritin, God go get glory thru Jesus Christ. Make all glory and pawa bi Christ own forever and ever. Amen!