Deutronomi 13:4 - Holy Bible Nigerian Pidgin English

⁴ Una must follow di Oga una God kon woship only en and una must follow en kommandment, obey, serve and always dey loyal to am.

Deutronomi 13:4 ပူးပေါင်းရင်းမြစ်များ

2 Kings 23:3

Di king stand near di pila kon promise to obey di kovenant wey dem make with God before. E promise to use en whole heart take obey God law, evry oda tin wey God tok and to do evritin wey dey di book. All di pipol agri to obey di kovenant too.

2 Kronikles 34:31

Di king stand near di pila kon make new kovenant with God sey dem go follow en kommand, laws and rules wey dem rite for di book with all dia heart.

Jeremaya 7:23

But I kommand dem sey, ‘Make una obey mi and if una obey mi, I go bi una God and una go bi my pipol. Make una live una life as I tell una and evritin go betta for una.’

Mikah 6:8

No! My pipol, God don tell una wetin dey good and wetin E wont from una, na to dey do wetin dey rite; show love; dey obey and respet am.

Luke 1:6

Dem dey do wetin God like, dey follow all di tins wey God tok for en word.

Romans 6:13

Make una nor let Satan use una body take do bad tins, but make una karry unasef give God as pipol wey don wake-up from deat, so dat una go dey do good tins.

1 Korintians 6:17

So anybody wey join Christ, don get one spirit with am.

Deutronomi 10:20

Una must fear di Oga una God kon woship and love am. Wen una swear, e go must bi with en name.

Deutronomi 11:1

Una must love di Oga wey bi una God kon obey evritin wey E tok. Dat is, en law, rules and kommand wey E give una.

Deutronomi 30:20

Den una go love di Oga wey bi una God kon dey obey en vois and hold am strong, bikos God go give una long life for di land wey E promise to give una grand-grand papa Abraham, Isaak and Jakob.”

Deutronomi 6:13

Una must fear di Oga una God kon serve am. Una must use only en name take swear.

Deutronomi 6:5

So una must love di Oga una God with all una heart, all una soul and all una pawa.

Kolossians 1:10

den una life go betta just as Christ wont. For all di good tins wey una dey do, make una dey bear fruit and learn to know God more-more.

2 John 1:6

(Na wetin love mean bi dis: make wi dey do wetin God wont.) Na di kommandment bi dis and just as wi hear am from di biginnin; na so wi suppose to follow am.

1 Samuel 7:3

Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”