Deutronomi 13:16 - Holy Bible Nigerian Pidgin English

¹⁶ Una must gada all di dirty for der kon put am for di street centre, den burn di town rish groun as ofrin to di Oga una God. Una must distroy di town forever and make nobody build am again.

Deutronomi 13:16 ပူးပေါင်းရင်းမြစ်များ

Exodus 22:19

“Anybody wey follow animal sleep, dem must kill-am.

Isaya 17:1

Dis message na about Damaskus pipol, “Si, Damaskus town go disappear and e go turn where dem dey trow dirty put.

Isaya 25:2

Yu don turn di towns to where dem dey trow dirty put. Di place where strenjas for dey save before, nor bi town again and nobody go ribuild am.

Jeremaya 49:2

But di time dey kom wen I go make Rabbah pipol hear war nois, den dem go distroy and burn dia village rish groun. Den Israel pipol go take dia land back from doz wey take am from dem.

Ezekiel 26:14

I go leave only one small rock, so dat doz wey dey katch fish go dey sun dia net for der. Dem nor go build di town again. Mi, wey bi God, don tok.”

Mikah 1:6

“So mi wey bi God go turn Samaria to where pipol go dey trowey dirty put and dem go dey plant vine for der too. I go skata en stones for di valley kon espose en foundashon.

Deutronomi 7:25

Una go burn dia juju for fire and una must nor like dia gold or silva. Una must nor take dem, if not dem go bi trap for una, bikos dem nor dey good to di Oga una God.

Deutronomi 7:26

Any propaty wey God nor like, make una nor take am enter una house, bikos if una do so, God go distroy una just as E do to doz pipol. Make una make sure sey una nor do dat kind tin, bikos God go distroy dem.

Joshua 6:21

Dem use dia swod take kill evritin wey dey breath for di town, both man and woman, small pikin and old pipol, plus all di animals.

Joshua 6:24

But dem burn di town and evritin wey dey inside, esept di gold, silva, bronze and di iron tins wey dem karry go God store house.

Joshua 6:26

For dat time, Joshua kon swear sey: “Anybody wey sey e won build Jeriko town again, God go kondemn am. “E first boy pikin go die as e stay to build am and en last boy pikin go die wen e dey put di gate!”

Joshua 8:28

Joshua burn Ai and nobody fit stay der (na so e bi till today).