Deutronomi 11:22 - Holy Bible Nigerian Pidgin English

²² Make una dey kareful as una dey obey all di kommand wey I dey give una today. Make una show love to di Oga una God kon bilive and do as E sey make una do.

Deutronomi 11:22 ပူးပေါင်းရင်းမြစ်များ

Jenesis 2:24

Dat na di rizin why man must live en papa and mama kon go stay with en wife and dem two go bikom one.

Psalms 119:31

I hold yor laws well, so my God, make Yu nor let shame katch mi!

Matiu 22:37

Jesus ansa, “Make pesin love God with all en heart, with all en soul and with all en mind.

Acts 11:23

Wen e rish der kon si how God don bless di pipol, e happy well-well kon enkourage dem sey make dem kontinue to woship God with all dia heart.

Deutronomi 10:20

Una must fear di Oga una God kon woship and love am. Wen una swear, e go must bi with en name.

Deutronomi 11:1

Una must love di Oga wey bi una God kon obey evritin wey E tok. Dat is, en law, rules and kommand wey E give una.

Deutronomi 11:13

Naw, if una listin well-well to my kommand, wey I dey tell una today kon love di Oga una God and serve am with all una heart and mind,

Deutronomi 19:9

and una dey obey all di kommand wey I dey give una today (wey bi to love di Oga una God and always do as E tok), dat time, make una add three towns join di first three.

Deutronomi 30:20

Den una go love di Oga wey bi una God kon dey obey en vois and hold am strong, bikos God go give una long life for di land wey E promise to give una grand-grand papa Abraham, Isaak and Jakob.”

Deutronomi 6:17

Make una make sure sey una dey obey dis kommand well kon keep all di laws wey E give una.

2 Timoti 4:8

Naw, di prize for raitiousness dey wait mi and na God wey dey judge rite go give mi dis prize for di day wen Christ go kom. Di prize nor bi for mi alone, but na for evribody wey dey wait for Christ to kom back.