Deutronomi 11:17 - Holy Bible Nigerian Pidgin English

¹⁷ If una do like dis, God go vex for una well-well. E go lock di sky and rain nor go fall, den di groun nor go bear food. Den una go kwik-kwik die for di good land wey God dey give una.

Deutronomi 11:17 ပူးပေါင်းရင်းမြစ်များ

1 Kings 17:1

E get one profet, en name na Elijah and e kom from Tishbe for Gilead. E go tell King Ahab, “As long as di Oga wey bi Israel God (wey I dey serve) dey alive, dew or rain nor go fall for some years, unless I kommand sey, make rain fall.”

1 Kings 8:35

If Yu hold di rain, bikos yor pipol sin against Yu, wons dem turn from sin kom meet Yu kon pray to Yu for dis temple,

2 Kronikles 6:26

Time dey kom wen di sky go klose and rain nor go fall, bikos yor pipol don sin against Yu. Wen ever dem face dis temple kon pray to Yu, make Yu forgive dem as dem turn from dia sins kom meet Yu, bikos Yu don ponish dem before.

2 Kronikles 7:13

Wen I klose di sky so dat rain nor go fall, or kommand lokust make dem distroy di plant for di land, or kause betta wahala and diziz,

Job 12:15

Evriwhere go dry if God sey make rain nor fall and river go only flow wen God gi-am wota.

Levitikus 26:19

I go break una strong pride; una nor go get rain; una land go dry kon strong like iron.

Levitikus 26:20

All una hard work nor go do una good, bikos una land nor go produce food and di trees nor go bear fruit.

Amos 4:7

Na mi stop di rain to fall for una land three monts before una go harvest wetin una plant. Sometaims, I dey let rain fall for one town or field and di oda town go dry well-well bikos I nor allow rain fall for der.

Deutronomi 31:20

Bikos afta I don bring dem kom di land wey I promise dia grand-grand papa; di land wey get milk and honey; where dem go chop beleful kon get body, dem go turn go serve anoda god kon rijet and break my kovenant.

Deutronomi 4:26

I koll heaven and eart as witness today against una. If una break di kommand wey God give una thru mi, una go die for di land wey una won cross Jordan River enter. Una go stay der small; den God go distroy una finish.

Deutronomi 6:15

bikos di Oga una God wey dey here with una, dey jealous well-well and en vexnashon go kill and porshu evry oda tin, until E go distroy wiked pipol and sinnas komot from dis eart.

Deutronomi 9:19

I dey fear God vexnashon, bikos E sey E go distroy una. But dis time, E still listin to mi again.