Deutronomi 1:32 - Holy Bible Nigerian Pidgin English

³² But even afta evritin wey E do, una nor gri trust di Oga wey bi una God,

Deutronomi 1:32 ပူးပေါင်းရင်းမြစ်များ

2 Kronikles 20:20

Di next day for early morning, dem mash go Tekoa Desert. Wen dem don ready to move, Jehoshafat kon stand sey: “Make una listin, una wey bi Judah pipol and doz wey dey stay for Jerusalem! Make una trust di Oga una God and E go save una! Make una trust en profet words and una go win.”

Psalms 106:24

So some pipol nor enter di promise land, bikos dem nor bilive God promise wey sey, E go kare for dem.

Psalms 78:22

bikos dem nor gri bilive God or trust sey E go kare for dem.

Isaya 7:9

Na Samaria bi Israel main town and na King Pekah dey rule am. So if yu nor gri bilive or trust and put yor hope for God hand, den yu nor go fit stand and yu go really die.”

Nombas 14:11

Den God tell Moses, “How long my pipol go rijet mi? Dem nor go ever bilive mi, even afta all di signs wey I don do for dia present?

Hibru 3:12

Make una make sure sey non of una get bad mind wey go make una nor bilive, so dat una nor go turn against God wey nor dey die.

Hibru 4:2

Bikos dem prish God word give us, just as dem prish am give dem too. But dem nor take am sirious, bikos wen dem hear am, dem nor gri bilive am.

Jude 1:5

So I won remind una even doh una don already know dis tins. Afta God don first save Israel pipol from Egypt, e kon distroy doz wey nor bilive am.