Daniel 6:24 - Holy Bible Nigerian Pidgin English

²⁴ Di king kon orda sey, “All di pipol wey lie for Daniel head, make dem katch dem, dia wifes and shidren kon trow dem for di lion pit.” Dem nor even rish groun before di lion dem bigin chop dem with dia bones.

Daniel 6:24 ပူးပေါင်းရင်းမြစ်များ

2 Kings 14:6

But e nor kill di savant shidren. E obey God kommand, just as dem rite for Moses Law sey, “Make una nor kill papa, bikos of wetin dia pikin do and make una nor kill pikin, bikos of wetin dia papa do. If una must kill anybody, make e bi for en own sin.”

Estha 7:10

So dem kon hang Haman for di pit wey e dig for Mordekai. Den di king kon stop to vex.

Estha 9:10

Dis na Haman wey Hammedata born, wey bi Jew pipol enemy, ten sons. But even as Jew pipol dey do all dis tins, dem nor ever tif or karry any propaty.

Estha 9:25

But Estha go meet di king and di king give orda make Haman use en own head karry di wiked plan wey e make. So dem kon hang Haman and en sons.

Psalms 54:5

Make evry wiked plan wey my enemies dey plan, turn back go meet dem.

Proverbs 11:8

Pipol wey dey raitious, God dey protet dem from trobol; but trobol dey always follow wiked pipol.

Proverbs 19:9

Anybody wey tok lie for wetin e nor know, nor go fit eskape ponishment and na di lie go kill-am.

Isaya 38:13

I dey kry evry nite with pain like sey lion dey break my bones, bikos I tink sey God won end my life.

Jeremaya 34:17

“Naw, mi wey bi God sey, ‘Una don disobey mi; una nor gri free una brodas and sistas. Since na like dat, I go free una so dat war, honga and diziz, go kill una. I go make evry nashon for di world fear for wetin I go do to una.

Daniel 3:22

Bikos di king kommand too dey kwik and di fire dey hot pass normal, di men wey go trow dem for inside di fire die too, bikos of di way di fire dey hot.

Deutronomi 24:16

Make una nor kill papa or mama, bikos of di sin wey dia shidren kommit, or kill shidren bikos of wetin dia papa and mama do; if una go kill pesin at-all, e must bi for en own sin.