Daniel 4:34 - Holy Bible Nigerian Pidgin English

³⁴ But wen di seven years don pass, mi, Nebukadnezzar kon look heaven and my sense kom back to mi. I praiz di Most High God kon give honor and glory to di Pesin wey dey live forever and en kingdom go last forever.

Daniel 4:34 ပူးပေါင်းရင်းမြစ်များ

2 Samuel 22:31

Di tins wey dis God dey do, dey pafet. Make wi trust en words! E dey kover pipol wey wont make E protet dem.

1 Kronikles 29:10

For der wey all di pipol gada put, David praiz God kon sey, “God wey awa papa Jakob serve, wi praiz yor name forever!

1 Kronikles 29:13

Awa God, wi tank and praiz yor name wey get pawa.

Job 1:21

Den e sey, “Dem nor born mi with anytin and wen I die, I nor go karry anytin follow body. Na God dey give and E don take. Make wi praiz God name!”

Psalms 10:16

Na God bi king forever and ever! Di pipol wey nor dey fear God, go vanish komot from dis world.

Psalms 102:24

I sey, “My Oga God, make Yu nor let mi die naw wen I still dey yong, bikos Yu dey from one generashon go rish anoda.

Psalms 107:15

So make dem praiz God, bikos of en great love and for di wonderful tins wey E don do for dem,

Psalms 107:22

Make dem tank am with sakrifice kon sing about di tins wey E do.

Psalms 107:31

So make dem praiz God, bikos of en great love and di wonderful tins wey E do for dem.

Psalms 107:8

So make dem praiz God, bikos of en great love and for di wonderful tins wey E don do for dem.

Psalms 111:7

Evritin wey E dey do dey rite and good and pesin fit trust all en kommand,

Psalms 121:1

I go look up to di mountin! Where my help from dey kom?

Psalms 123:1

My God wey dey heaven, na Yu I dey depend on.

Psalms 145:13

bikos yor kingdom go dey forever and ever. Yu dey rule from one generashon go rish anoda.

Psalms 146:10

So God go rule forever. Jerusalem pipol, E go bi una God from one generashon go rish anoda. So, make wi praiz awa God!

Psalms 50:14

So make tanksgivin bi una sakrifice to God, den make una keep di promise wey una make to di Most High.

Psalms 66:7

Na en great pawa E take dey rule forever. E dey si evritin wey di nashons dey do; so make wiked pipol nor dey karry body.

Psalms 7:17

So, I go tank God, bikos E dey judge well; I go sing and praiz di Most High God.

Psalms 9:2

I go sing with joy bikos of Yu. Di Most High God, I go sing praiz yor name,

Psalms 92:1

E dey good to tank God. Yes! Awa belle dey sweet us wen ever wi dey sing and praiz di Most High God.

Isaya 13:11

God sey, “I go bring wahala kom di eart and I go ponish all di wiked pipol, bikos of dia sin. I go make anybody wey dey proud, honbol and I go ponish evribody wey dey sturbon and wiked.

Isaya 2:11

Di day dey kom wen God go honbol proud pipol kon disgrace sturbon pipol. Den na only God, pipol go dey praiz.

Isaya 24:15

and doz wey dey for east, go praiz am. Di pipol wey dey stay near sea go praiz di Oga wey bi Israel pipol God.

Jeremaya 10:10

But na only Yu Oga, bi di true God. Di God wey dey alive and Yu go rule forever. Anytime Yu dey vex, di world dey shake and nobody fit stand wen Yu dey vex.

Lamentashons 3:38

Nor bi from God mout evritin from kom? Both good and bad?

Daniel 12:7

Den I hear di man wey wear linen wey dey on-top di river as e raiz en two hand face sky kon swear with God name sey: “Na only three and half years remain; by di time wen God don save en holy pipol from who dey sofa dem, all dis tins go don happen.”

Daniel 2:44

For di time wey dis kings go dey rule, God wey dey heaven go raiz one kind kingdom wey nor go ever end. Dem nor go fit distroy di kingdom and anoda pesin nor go rule am. E go distroy and skata all di oda kingdoms. But dis kingdom go stand forever.

Daniel 4:2

I dey happy to tell una di many signs and wonders wey God Almighty don do for mi.

Daniel 4:26

Wen dem sey make dem leave di tree body for groun, e mean sey dem go give yu back yor kingdom wen yu don know sey na God bi Oga of all ogas for dis world.

Daniel 4:3

“Di sign dem wey E show us dey great well-well! Even en wonders dey mighty! God kingdom go dey forever and en pawa go last from awa generashon go rish di next one.”

Daniel 4:32

Dem go drive yu komot from where human being dey and yu go stay with animals. Na seven years yu go take chop grass like melu kon sleep for open field where dew go fall for yor body, until yu go know sey na di Most High God get pawa ova evry kingdom and E dey gi-am to anybody wey E like.”

Daniel 4:36

Wen my mind don kom back to mi, dem kon give mi back my kingdom, pawa and glory. My ministers and royal men welkom mi back and dem give mi my royal pawa and di honor wey I kom get, big pass di first one.

Daniel 5:18

Di Most High God make yor papa Nebukadnezzar get kingdom wey strong well-well and E give yor papa respet, honor and majesty.

Daniel 5:21

Dem porshu am komot for where human being dey. En mind kom bi like animal own and e kon dey follow wiked donkeys dey stay. E dey chop grass like sey e bi melu kon dey sleep for bush and e nor get anytin to take kover en body from dew wey dey fall. Na so e bi until e kom bilive sey na God dey rule ova human being and dey give leadership to anybody wey E like.

Daniel 6:26

I dey kommand sey, ‘Make evribody wey dey dis kingdom, fear and respet only Daniel God.’ “E go rule forever, bikos E nor dey die. Dem nor go fit distroy en kingdom and en pawa nor get end.

Daniel 7:14

Dem gi-am authority, honor and pawa to rule. Evribody, nashon and pipol from difren tribe, go serve am. En pawa go last forever and nobody go fit distroy en kingdom.

Daniel 7:27

Di pawa and great tins wey di world get, God kom gi-am to pipol wey dey serve am. Dia royal pawa nor go ever end and rulers go serve and respet dem.’

Daniel 9:14

Awa Oga God dey ready to ponish us and E really ponish us, bikos anytin wey E dey do, dey rite, yet wi nor gri listin to am.

Jonah 1:14

So dem kry to God sey, “God wey get pawa, wi beg, make Yu know let us die, bikos of dis man! Make Yu know ponish us sey wi kill dis innocent man, bikos Yu wey bi Oga God, must do wetin Yu wont.”

Mikah 4:7

Doz wey dey weak, go survive and doz wey bi slave and prisonas for anoda kountry, go kon bi one strong nashon. Den mi wey bi God go rule Jerusalem as dia king forever.”

Luke 1:33

Na-im go rule Jakob house forever and en kingdom nor go ever end.”

Luke 18:13

“But di tax kollector stand for far place and e nor even look heaven, but kon nak en chest dey sey, ‘God, make yu sorry for mi, bikos I bi sina!’

John 5:26

Bikos as di Papa get life for inside am, na so e give en pikin life too.

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

1 Timoti 6:16

Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

Revelashon 10:6

E swear with di Pesin name wey go dey forever and ever. Na dis Pesin kreate di heaven, eart, sea and evritin wey dey inside dem, den di angel kon sey, “Time go soon rish!”

Revelashon 11:15

Di sevent angel blow en trumpet and one loud vois kon shaut from heaven: “All di kingdom for di world don bi God and Christ own. E go rule forever and ever.”

Revelashon 4:10

di twenty-four eldas go bow woship di Pesin wey dey live forever and ever. Dem go remove dia crown put for en throne front kon sey:

Revelashon 4:9

Wen ever di for creatures dey tank, praiz and honor di Pesin wey sidan for di throne wey dey alive forever and ever,