Daniel 2:35 - Holy Bible Nigerian Pidgin English

³⁵ Den all di iron, gold, silva and bronze kon bi like san-san for dry sizin. Breeze blow kon karry all of dem go and dem nor si dem again. But di stone wey skata di image, grow turn to mountin kon kover di eart.

Daniel 2:35 ပူးပေါင်းရင်းမြစ်များ

Job 6:17

But wen hot weda kom, di wota go disappear. Wons heat dey, di wota go vanish from where dem dey.

Psalms 103:16

Wons heavy breeze blow, di flower dey die komot like sey e nor dey der before.

Psalms 22:27

Di whole eart go know God kon run go meet am. Evribody for di world go bow woship am.

Psalms 37:10

Wiked pipol go soon vanish and wen una look for dem, una nor go si dem again.

Psalms 37:36

but wen I look again, I si sey dem don die go! Even doh I look evriwhere weda I go si dem, I nor si dem again!

Psalms 46:9

E stop all di war for di eart kon break di bow and skata di spear, den E burn di shield with fire.

Psalms 66:4

Evritin for eart go woship Yu; dem go sing yor praiz kon dey shaut for glory as dem dey koll yor name.”

Psalms 86:9

Oga God, all di nashons wey Yu make, go kom bow down for Yu and dem go praiz yor holy name,

Isaya 11:9

So, great Zion, God hill wey dey holy, no evil or wahala go dey der again. Just as wota dey full sea, na so too God word go full pipol heart for di land.

Isaya 8:9

Dem go distroy di town kon skata evriwhere! So make una listin, all di far-far land for di eart. Make una dey ready to fight, but dem go still distroy una!

Daniel 2:44

For di time wey dis kings go dey rule, God wey dey heaven go raiz one kind kingdom wey nor go ever end. Dem nor go fit distroy di kingdom and anoda pesin nor go rule am. E go distroy and skata all di oda kingdoms. But dis kingdom go stand forever.

Hosea 13:3

So just as dew dey vanish for morning, na so dis pipol go disappear too. Dem go-go like leaf wey breeze blow or smoke wey dey fade.

Mikah 4:13

God sey, “Jerusalem! Make yu raiz-up kon skata di nashons, bikos I go give yu iron and bronze horn, so dat yu go fit distroy many nashons! Yu go give di propaty and di money wey dem tif to Oga God wey dey rule di eart.”

Zekaraya 12:3

But wen dat time rish, I go make Jerusalem bi like rock wey nobody fit move and all di nashons go gada togeda kon try to move am, but dem go just dey wound diasef.”

1 Korintians 15:25

Christ go rule until e don put all en enemies under en pawa

Revelashon 11:15

Di sevent angel blow en trumpet and one loud vois kon shaut from heaven: “All di kingdom for di world don bi God and Christ own. E go rule forever and ever.”

Revelashon 12:8

Mikael and en angels win di fight, so dem kon porshu di dragon and en angels komot from heaven by force.

Revelashon 20:11

Den I si one big white throne and di Pesin wey sidan put. Eart and heaven run komot from en present and dem nor si where to hide put.