Daniel 11:21 - Holy Bible Nigerian Pidgin English

²¹ “Di angel still sey di next king for Siria go wiked well-well. E nor get rite to bi king, but before pipol know, e go deceive dem kon bi king.

Daniel 11:21 ပူးပေါင်းရင်းမြစ်များ

Psalms 12:8

even from doz evil pipol wey dey evriwhere, bikos wikedness don kover di whole land.

Psalms 15:4

Doz wey hate pipol wey dey sin and honor doz wey dey fear and follow God! Pipol wey dey do wetin dem promise even wen e dey pain dem.

Psalms 55:21

Dia words dey smooth like butter, but dia heart strong like stone. Dia word smooth well-well like pomade, but na dagger dey under dia tongue!

Isaya 32:5

Nobody go sey foolish pipol get sense and doz wey dey deceive odas, nobody go sey dem wise.

Daniel 11:20

Anoda king go raiz wey go send en ofisas go opress pipol. Dem go kollect tax for dia hand kon make dia kingdom get plenty money. E nor go tey before dem go kill-am, but nor bi for publik or war.”

Daniel 11:32

Doz wey don rijet di kovenant, e go use sweet mout take win dem back, but doz wey dey follow God, nor go allow am.

Daniel 11:34

God go help en pipol small wen dem fall. But some pipol go play wayo kon join dem.

Daniel 11:7

“E nor go tey before one of di woman broda, go bi king. E go attack Siria king, dia sojas, enter di place wey strong pass kon kill dem.

Daniel 4:17

Dis na di decision wey di angel make. So, make evribody wey dey di world know sey di Most High God get pawa ova evry kingdom and E dey gi-am to anybody wey E choose! Even to di pipol wey small pass!’

Daniel 7:8

“As I still dey look di horn, I si anoda small horn dey kom out from di big wons and three of di former horn kom skata make dis ones for fit kom out. Dis horn get eye wey bi like human being own and mout wey e take dey tok anyhow.

Daniel 8:23

Wen dia kingdom don dey won end and dia sin don plenty well-well, anoda wiked king wey sturbon and dey lie well-well, go kom ponish dem.

Daniel 8:25

With en wayo, e go prosper as e dey lie and deceive pipol. E go dey bihave anyhow kon distroy many pipol without sey e first warn dem. E go fight and win kings wey get strong pawa, but e go skata wen nobody tosh or fight am.

Daniel 8:9

From one of di horn, anoda small horn kon grow kom out. E grow big well-well kon face sout, east and di promise land.

Nahum 1:14

For Nineveh, God tok about Assyria pipol sey: “Una nor go get shidren wey go bear una name again. I go skata and distroy all di gods wey dey una temple and I dey prepare una grave, bikos una dey make mi vex!”

1 Samuel 3:13

Make yu tell am sey, I won judge en family forever, bikos of di sins wey en ensef know about. Bikos en boys shidren dey curse God and e nor stop dem.