Amos 9:13 - Holy Bible Nigerian Pidgin English

¹³ God sey, “Di day dey kom wen korn go kwik grow even before harvest time rish and grape go grow kon ripe before dem suppose make wine. Sweet wine go dey rush kom out from di mountins and wine go dey flow for di hills.

Amos 9:13 ပူးပေါင်းရင်းမြစ်များ

Jenesis 49:11

E tie en donkey put for di vine, di vine wey e choose. Na wine e take dey wosh en klot and na grape e take dey wosh en garment.

Psalms 97:5

Di mountins dey melt like butter wen dem si God wey get di whole eart.

Isaya 16:10

Nobody get joy or dey happy and inside di vineyard; nobody dey dance or shaut; no grape even dey to press to make wine, bikos I don end dia shaut for joy.

Isaya 55:13

Cypress trees go grow for where grass dey naw. Myrtle trees go grow for where shuku-shuku dey. Dis sign go dey forever and e go dey remind una about wetin mi wey bi God don do.”

Ezekiel 28:26

Israel pipol go dey save as dem dey stay der. Dem go build house kon plant vine for der again, den I go ponish all dia neighbour wey ponish dem before. Den dem go know sey na mi bi God.”

Ezekiel 36:35

Dis land wey bi like wildaness before, evribody go si and tok how e don turn and fine like Eden Gardin and how di town wey skata rish groun before, don fine and get pipol again.

Joel 2:24

Korn go full una house; wine and olive oil go full where dem for dey press am.

Joel 3:18

For dat time, sweet wine go dey pour like rain from di mountins and di hill go flow with milk. Wota go dey evriwhere Judah, but river go from God temple rush go wet Shittim Valley.

Joel 3:20

But pipol go full Judah land forever and Jerusalem land go dey from one generashon go rish anoda one.

Levitikus 26:5

Una harvest go plenty well-well, sotey una go still dey harvest korn until di time to pick grape and una go still dey pick grape for di time to plant korn. Una go get all wetin una won chop and una nor go fear for di land wey una dey stay.

Amos 9:5

Oga God wey get pawa, tosh di eart and e shake; evribody wey dey stay der dey mourn and di whole world dey raiz and fall like Nile River.

John 4:35

Nor bi una dey tok sey, ‘Na for monts remain before dem go plok fruit wey dem plant for farm?’ Make una look round and una go si sey fruit don ripe rish to plok.

Judges 5:5

di Oga wey bi Sinai and Israel God, mountins skata for yor present.