Amos 8:10 - Holy Bible Nigerian Pidgin English

¹⁰ “I go turn una festival to burial kon shange una happiness to kry. I go make una kut una hair kon wear sak klot, den I go make una mourn like sey una only pikin just die. Dat day go bitter well-well.

Amos 8:10 ပူးပေါင်းရင်းမြစ်များ

Jenesis 21:16

kon go sidan for anoda side wey far from where e put di pikin; bikos e tok for en mind sey, “I nor go fit dey look am until e die.” So Hagar kon sidan far from di pikin as e dey kry.

Job 20:23

Make God feed dem beleful with trobol. Make God pour in vexnashon for dia head like evening rain dey fall.

Job 3:5

Make darkness and deat shadow kover am! Make betta kloud dey on-top am; make darkness kover en lite.

Job 30:31

I nor fit remember di last time wen I hear betta music, bikos na only song wey go make mi mourn and kry, naim dem dey play.

Isaya 3:24

Instead make dem dey scent well, dem go dey smell. Instead make dem wear betta belt, dem go tie rope for waist. Instead make dia hair fine, hair nor go dey dia head at-all. Na rag dem go dey wear, instead of fine klot. Dia beauti go turn to shame!

Jeremaya 2:19

Na di wiked tins wey una do go ponish and kondemn una, bikos una turn from mi. So, una go learn as e betta and wiked rish nor to dey fear mi or forget mi wey bi di Oga una God.” Mi, wey bi God, don tok.

Jeremaya 48:37

All of dem don shave dia hair and barber dia bear-bear. Dem wear sak kon kut dia hand, so dat di marks go show sey dem dey mourn.

Jeremaya 6:26

I still sey, “My pipol! Make una wear sak klot and roll for groun. Make una kry well-well and mourn like sey una only pikin just die. Bikos very soon, doz wiked sojas go kom distroy all of us.”

Lamentashons 5:15

Joy nor dey awa heart again bikos wi wey bin sabi dance, don turn who dey mourn naw.

Ezekiel 7:18

Dem go wear sak as klot for body and dem go dey fall as dem dey waka. Dem go skrape dia head and na shame go follow dem.

Ezekiel 7:2

“Man pikin, dis na wetin mi wey bi Oga God dey tell Israel pipol. Di end don rish for evriwhere for di land!

Hosea 2:11

I go stop all di party and feast wey e dey do evry mont, year and for Sabat Day.

Hosea 2:13

I go ponish am for all doz times wey e forget mi kon dey burn incense give Baal and dey run follow en lovers with all di gold wey e wear. Mi, wey bi God, don tok.

Joel 1:8

Make una kry like virgin wey dey mourn for di man wey e suppose marry.

Levitikus 13:40

“If man nor get hair for back of en head, e dey klean.

Amos 5:21

God sey, “I hate di juju feast wey una dey do; I nor fit bear dem!

Amos 5:23

Make una stop to make nois sey una dey sing; I nor won listin to una harp wey una dey play.

Amos 8:3

“For dat day, na kry and mourning nois go bi di song wey dem go dey sing for di palis. Dead body go dey evriwhere and evribody go kwayet as dem dey go beri dem.”

Nahum 1:10

En enemies bi like dry shuku-shuku for bush. Yes! Dem bi like pesin wey don drink well-well. True-true, fire go burn dem like dry grass.

Zekaraya 12:10

“Den I go pour my spirit to pray and to show mesi for David shidren-shidren body and di oda pipol for Jerusalem. Dem go dey look mi, di pesin wey dem shuk, den dem go mourn like pesin wey dey mourn en only pikin. Dem go kry well-well like sey na dia first boy pikin die.

Deutronomi 16:14

Wen una dey celebrate dis feast, make una happy with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die, wey dey stay with una.