Amos 5:11 - Holy Bible Nigerian Pidgin English

¹¹ So, since una dey opress and tif from poor pipol, una nor go stay for di fine house wey una build or drink wine from di fine vine wey una plant.

Amos 5:11 ပူးပေါင်းရင်းမြစ်များ

Job 20:19

bikos dem don beat and kollect from pipol wey nor get. Dem still seize dia house,

Isaya 16:10

Nobody get joy or dey happy and inside di vineyard; nobody dey dance or shaut; no grape even dey to press to make wine, bikos I don end dia shaut for joy.

Ezekiel 26:12

Una enemies go kollect una money with evritin wey una get. Dem go break una wall kon skata all di house wey una build with betta money. Dem go take di fine stones, wood, rubi and evritin, den kon trow dem inside sea.

Ezekiel 34:21

Yes! Una push di ones wey dey sick kon drive dem komot from where di oda sheep der.

Hosea 9:2

But very soon, una nor go get enough korn to chop and olive oil and wine nor go dey again.

Levitikus 26:16

I go ponish una. I go bring distroshon to una; diziz wey dem nor go fit cure and fever wey go make una blind, naim I go take waste una life. Una go plant una seed, but e nor go produce good food for una, bikos una enemies go win una kon chop wetin una plant.

Amos 2:6

God sey, “Bikos Israel pipol don too sin, I go ponish dem naw. Dem sell innocent pipol bikos of silva kon sell poor pipol, bikos of ordinary shoe.

Amos 2:7

Dem dey mash poor pipol head for san-san kon push doz wey nor get who go help dem komot for road. Papa and pikin dey sleep with di same woman and like dis, dem don spoil my name wey dey holy.

Amos 3:15

I go distroy all di house wey rish pipol build bikos of rain and dry sizin. All di house wey dem use ivory stone take dekorate, go fall skata and di big-big house go skata finish.’ ” Na so Oga God tok.

Amos 3:9

Go tell di pipol wey dey stay for Egypt and Ashdod palis sey, “Make una gada round di hills for Samaria! Make una si di wahala wey dey happen for di town and di bad-bad tins wey dem dey do.”

Amos 4:1

Samaria wimen, una bi fat melu for Bashan! Una dey ponish pipol wey nor strong, wey dey poor and dey opress doz wey dey hongry, den una go tell una husband, “Give us more wine make wi drink.”

Amos 6:11

True-true, make una si! Wen God kommand, both big and small house go skata to pieces.

Amos 6:12

Horse fit run well on-top rock? Abi human being fit ride horse on-top wota? Yet, una don turn bitter judgement to poizin and good to bad.

Amos 8:4

Make una listin, una wey dey opress and distroy poor pipol wey dey di town.

Amos 9:14

I go bring my pipol kom back to dia land. Dem go ribuild dia towns wey skata kon stay der again; dem go plant vine kon drink di wine; dem go plant food for dia farm kon chop wetin dem plant.

Mikah 1:6

“So mi wey bi God go turn Samaria to where pipol go dey trowey dirty put and dem go dey plant vine for der too. I go skata en stones for di valley kon espose en foundashon.

Mikah 2:2

Wen dem wont pesin land, dem go dey find how dem go take seize am and wen dem wont pesin house too, dem dey take am by force. Dem dey opress, shit and take pipol propaty.

Mikah 6:15

Even wen una plant, una nor go harvest anytin. Una go press una olive fruit, but una nor go get enough oil to anoint unasef. Una go mash di grape, but una nor go get any wine to drink.

Zefanaya 1:13

So, pipol go tif and karry dia propaty kon skata dia house. Dem go build new house, but dem nor go ever stay inside. Dem go plant vineyard, but dem nor go ever drink from di wine.

Haggai 1:6

Una plant many korn, but wetin una harvest, small. Una get food to chop, but e nor dey beleful una. Una get wine to drink, but e nor dey rish una! Even wen una wear many klot, e nor dey make una warm and pipol wey dey work, dia salari nor dey rish dem spend.

Malakai 1:4

Esau shidren-shidren wey bi Edom fit sey, “Even doh awa towns don skata finish, wi go build dem again.” But God wey dey lead heaven sojas ansa, “Make una go ribuild dem, but I go still skata dem and pipol go koll una kountry, ‘Di Land wey Wikedness Full’ and dem go koll una pipol, ‘Di pipol wey Oga God go always dey vex with.’ ”

Deutronomi 28:30

Di woman wey una dey won marry, anoda man go rape am. Una go build house, but una nor go fit stay inside. Una go plant vineyard, but una nor go chop dia fruit.

James 2:6

But una nor dey respet poor pipol! Nor bi rish pipol dey opress and drag una go kourt?