Amos 4:13 - Holy Bible Nigerian Pidgin English

¹³ “Na mi God kreate di mountins and breeze. I allow human being know wetin I dey tink. Na mi dey bring darkness to take kover lite and I dey waka on-top di hill. Na mi bi God and na mi get all di pawa.”

Amos 4:13 ပူးပေါင်းရင်းမြစ်များ

Job 9:7

Di One wey kommand di sun and di sun nor raiz; di stars sef nor shine for nite.

Psalms 135:7

E dey make kloud raiz kom from where di eart for end. Na en dey bring tonda kom wons rain dey fall and bring breeze kom out from where dem dey.

Psalms 139:2

Yu know wen I sidan or wen I stand up. Yu know wetin I dey tink even wen I dey far from Yu.

Psalms 147:18

But as E kommand, di kold breeze and ice-blok kon melt. E send en breeze and di ice-blok kon turn wota.

Psalms 65:6

Yu kreate di mountins with yor strent kon show as yor pawa strong rish.

Exodus 10:22

So Moses stresh en hand go heaven and for three days, tick darkness kon dey evriwhere for Egypt.

Exodus 14:20

Di kloud dey between Egypt pipol kamp and Israel pipol own. Di kloud make evriwhere dark for Egypt pipol, but give lite to Israel pipol, so dem nor fit near each oda till day break.

Isaya 40:12

E get anybody wey fit pak wota for hand kon measure am? Abi who fit measure di sky? Abi anybody don fit weigh all di san for di eart or weigh di mountins and hills with skale?

Isaya 45:7

Na mi kreate both lite and darkness; di Pesin wey dey bring blessing and wahala and na mi wey bi God, dey do all dis tins.

Isaya 47:4

Awa Savior – di Oga God wey dey lead heaven sojas, naim bi en name; di Holy One for Israel.

Isaya 48:2

Una wey sey una kom from di holy town and dey put una hope for Israel God wey bi di Mighty God.

Isaya 5:30

Wen dat day rish, di sojas wey dey kom from far, go make loud nois give Israel pipol; di nois go sound like wave for sea wey nak rock. Den wen yu look di land, yu go si sey e skata and dey dark, bikos di kloud don turn dia lite to darkness.

Jeremaya 10:13

Wen E kommand, en vois dey sound like tonda and di wota for heaven go make nois like lion vois. E dey make kloud kom out from where di eart for end. E dey bring tonda lite wen rain dey fall and E dey make breeze blow kom from where E keep dem put.

Jeremaya 10:16

Jakob God nor bi like dem; na-im kreate evritin and E don choose Israel as en own pipol. En name na God wey dey mighty.”

Jeremaya 13:16

Make una respet di Oga una God, before E go bring darkness wey go make una kick stone fall on-top mountins! Make una respet am, before E go turn una lite to darkness.

Jeremaya 46:18

Mi, God wey dey mighty, I bi king. Na mi bi di God wey dey alive. As Mount Tabor high pass di mountins and Mount Karmel high pass di sea, di enemies wey dey kom attack una, na so dia pawa bi.

Jeremaya 51:16

Wen E kommand, di wota on-top sky dey make nois like wen lion dey shaut. E make di kloud kom out from di rite place. E make lite kom out for rainin sizin kon send breeze kom from where E keep dem put.

Jeremaya 51:19

Jakob God nor bi like dem; na-im kreate evritin and E don choose Israel as en own pipol. Na God wey get pawa, bi en name.

Daniel 2:28

But, e get one God wey dey for heaven wey dey open sekret and tell dreams. E don tell King Nebukadnezzar wetin go happen for future. Dis na di dream and vishon wey yu si:

Daniel 2:30

Naw, God tell mi dis dream nor bi bikos na mi wise pass, but na to make yu my king, undastand wetin yu dey tink for yor mind.

Hosea 12:6

So, make una turn kom meet una God. Make una show love; dey judge well and dey patient as una dey wait for God.

Joel 2:2

For dat day, darkness go kover di land and kloud go full evriwhere! Strong-strong sojas go kom and dem go bi like darkness wey spread kover di mountins. Dis kind tin neva happen before and sometin like dis nor go ever happen again.

Amos 3:13

God wey get pawa sey, “Make yu listin and warn Jakob shidren-shidren sey,

Amos 5:27

follow body wen I take una as slaves go anoda land wey far pass Damaskus.” Oga God wey dey mighty don tok.

Amos 5:8

But e get one Pesin wey make di stars, Pleiades and Orion. E turn darkness to lite kon turn day to nite. E koll wota from sea kon pour am put for di eart. En name na God.

Amos 6:8

Oga God wey get pawa don warn una well-well sey, “I hate as Israel pipol proud rish; I hate di strong and big-big house wey dem get. I go give dia main town and evritin wey dey inside, to dia enemies.

Amos 8:9

For dat day, I go make di sun vanish for aftanoon and darkness go dey di eart for day time.” Oga God don tok.

Amos 9:6

God build en house for di heavens and put di foundashon for dis eart. E draw di wota wey dey di sea kon pour am for di eart. En name na God!

Mikah 1:3

Si! God dey kom from en holy temple for heaven and E go skata all di juju altars for dis world.

Habakkuk 3:19

God wey get pawa dey give mi strent. E make mi stand strong for groun like deer kon keep mi save on-top di mountin. (For di kwayamasta: Make dem sing dis song with instrument like, jita.)

Zekaraya 12:1

Dis na God message about Israel. Na God kreate di sky and di eart kon give life to man. God sey,

Matiu 9:4

Wen Jesus know wetin dem dey tok, e kon ask dem, “Wetin make una dey tink dis kind bad tin for una mind?

John 2:25

E nor nid anybody to tok about am, bikos e know wetin dey inside pipol belle, so e nor fit trust dem.

John 3:8

Wen breeze dey blow, e dey go anywhere e wont, yu dey hear di sound wey e dey make, but yu nor fit know where e dey kom from or where e dey go. Na so e bi with evribody wey God Spirit born.”

Deutronomi 32:13

E allow dem travel pass di high place for di land kon chop from di plants wey dey di field. E use honey from di rock and olive oil from strong groun take kare for dem.

Deutronomi 33:29

Israel pipol, si as una dey happy! Who bi like una? Una bi pipol wey God diliver, bikos na God dey protet una and na-im bi una swod. Make una enemies kry before una and una go mash dia back pass.”