Acts 9:39 - Holy Bible Nigerian Pidgin English

³⁹ So Pita get up follow dem and wen e rish der, dem kon take am go di room for up. All di wimen wey dia husband don die stand near Pita dey kry and dey show am all di dress wey Dorkas make for dem, wen e dey with dem.

Acts 9:39 ပူးပေါင်းရင်းမြစ်များ

2 Samuel 1:24

Israel wimen, make una mourn for Saul! E dey give una fine klot, jewel and gold.

Proverbs 10:7

Pipol go remember good pesin bikos of di good tins wey e do, but dem go soon forget wiked pesin forever.

Ekklesiastes 9:10

So, anytin wey yu dey do, make yu do am well, bikos wons yu die, yor wisdom, knowledge, work and plans, nor go mean anytin again.

Matiu 17:17

Jesus kon ansa, “Una wey nor get faith and wey nor know wetin to do! How long I go dey with una? How long I go bear with una? Make una bring di boy kom here.”

Matiu 26:11

Poor pipol dey with una evritime, but mi, I nor go dey with una always!

Mark 14:8

Dis woman don do wetin e fit do. E anoint my body to prepare mi for beri before di time go rish.

Luke 24:44

Den Jesus tell dem, “Na di word wey I tell una wen I still dey with una bi dis, evritin wey dem rite about mi for Moses Law, di profets book and Psalms, must happen.”

John 12:8

Poor pipol go always dey with una, but I nor go dey with una all di time.”

John 17:12

Wen I dey with dem, I keep dem with yor name. No one lost, escept di one wey yor word sey e go perish.

Acts 1:13

Wen dem enter Jerusalem, dem kon go di room for upstair where dem dey stay. Pita and John; James and Andru; Filip and Tomas; Bartolomew and Matiu; James wey bi Afaeus pikin, Simon wey dem dey koll Zealot and Judas wey bi James pikin, na all of dem gada for der.

Acts 20:35

Like dis, I don show una sey wi must help pipol wey dey weak and una remember wetin Jesus Christ tok, wen e sey, ‘E betta make pesin dey give pipol tins, dan make e dey kollect from dem.’ ”

Acts 6:1

As time dey go, wen di disciples don plenty, di Jew pipol wey dey tok with Greek language kon dey kworel with di oda kountry-men wey dey tok Hibru. Dem kon dey komplain sey, “Wen dem dey share food, di Hibru men dey sofa wimen wey dia husband don die.”

Acts 8:2

Some men wey dey holy, karry Stefen go beri afta dem don mourn for am.

Acts 9:41

Pita kon hold en hand stand up. E koll di bilivers and all di wimen wey dia husband don die, kon give di woman to dem.

2 Korintians 8:12

Bikos if e really dey una mind to do am, anytin wey una give akordin to wetin una get, God go asept am, but nor bi wetin una nor get.

Efesians 4:28

Pesin wey dey tif, make e nor tif again. Instead, make e work hard and do good with en own hand, so dat e go fit give pipol wey nor get.

1 Tesalonians 1:3

Wi remember di work wey una don do thru faith and as una dey bear bikos of di hope wey una get about awa Oga God Jesus Christ.

1 Tesalonians 4:13

Awa brodas and sistas, wi wont make una know di trut about doz pipol wey don die, so dat una nor go dey sad like pipol wey nor get hope.

1 Timoti 5:3

Respet and kare for wimen wey dia husband don die.

1 Timoti 5:5

Naw, woman wey en husband don die and e really dey alone for dis world, dey trust God. E dey pray for nite and day sey make God help am.

1 John 3:18

My shidren, make wi nor dey love with only word for mout, but make wetin wi dey do, show sey wi really love each oda.