Acts 9:20 - Holy Bible Nigerian Pidgin English

²⁰ At wons, e kon start to dey prish for di sinagog sey Jesus Christ na God Pikin.

Acts 9:20 ပူးပေါင်းရင်းမြစ်များ

Psalms 2:12

Make una dey respet God well-well or E go fit vex kon distroy una at wons, bikos of di way una dey bihave. But na blessing dey follow doz wey si am as dia Oga God!

Psalms 2:7

Den di king sey, “I go tell una wetin God kommand. God tell mi sey: ‘Yu bi my pikin! Today, I don bi yor papa!

Matiu 27:43

Since e trust God, make God kon save am naw, bikos e sey, ‘I bi God Pikin!’ ”

Matiu 27:54

Wen di sojas oga and di pipol wey dey guide Jesus Christ si di eartkweke and wetin happen, dem fear well-well kon sey, “True-true dis man na God Pikin.”

Matiu 4:3

Den devil kon meet am sey, “If yu bi God pikin, kommand dis stone make e turn to bread.”

John 1:49

Netanel sey, “Tisha, true-true, yu bi God Pikin and na yu bi Israel king.”

John 19:7

Di Jew oga dem ansa, “Wi get law and di law sey, e suppose to die, bikos e sey en na God Pikin.”

John 20:28

Tomas ansa am, “O! My Oga God and my God.”

John 20:31

But dis tins wey dem rite so, na make una for bilive sey na Jesus bi di Christ and naim bi Man Pikin and if una bilive am, una go get life thru en name.

Acts 13:14

Wen dem komot for Perga, dem rish Antiok for Pisidia for Sabat Day kon enter di sinagog go sidan.

Acts 13:33

E don do wetin E promise us and dia shidren, wen E raiz Jesus Christ, as dem rite am for Psalms sey, ‘Yu bi my Pikin and today, I don bi yor Papa.’

Acts 13:46

Paul and Banabas kon use boldness take ansa dem, “E good sey na una wi first prish God word give. But since una rijet am and una nor ready to get life wey nor dey end, wi go-go prish give Gentile pipol.

Acts 13:5

Wen dem rish Salamis, dem kon dey prish God word for di Jew sinagog, (John dey der dey help dem.)

Acts 14:1

For Ikonium, Paul and Banabas go inside di Jew sinagog and dem prish sotey many Jew and Greek pipol kon bilive God word.

Acts 16:13

Wen Sabat Day rish, wi komot from di town go di wotaside, where wi tink sey wi go si where dem for dey pray, naim wi sidan kon start to dey tok to di wimen wey gada for der.

Acts 17:10

At wons, di brodas send Paul and Silas go Berea for nite. Wen dem don rish der, dem kon go di Jew sinagog.

Acts 17:17

So e tok to di Jew and Gentile pipol wey dey fear God wey dey inside di sinagog and e still tok to evribody wey dey di market.

Acts 17:2

Paul go meet di Jew pipol for di sinagog as e dey do before and for three Sabat Day, e kon dey tish dem God word,

Acts 18:19

Wen dem rish Efesus, Paul leave Priscilla and Akwila for der, but en ensef enter di sinagog go follow di Jew pipol tok.

Acts 18:4

E dey tok to both Jew and Greek pipol for di sinagog evry Sabat Day, so dat dem go bilive.

Acts 19:8

So Paul enter di sinagog kon dey tok with boldness for three monts. E dey show di pipol how dem go take bilive God Kingdom.

Acts 8:36

As dem dey go, dem kon rish where wota dey, naim di man sey, “Si, wota dey here! Wetin go make mi nor baptize naw?”

Acts 8:37

Filip ansa, “If yu bilive, I go baptize yu.” Di man kon sey, “I bilive sey Jesus Christ na God Pikin.”

Acts 9:22

But Saul still dey prish with pawa. E dey show sey na Jesus Christ bi di Mezaya and di Jew pipol wey dey for Damaskus, nor fit ansa am.

Romans 1:4

and naim bi my only Pikin wey I wake-up from deat with di Holy Spirit pawa.

Galatians 1:16

E show mi en pikin, so dat I go fit prish about am give Gentile pipol. I nor go meet anybody make e advise mi

Galatians 2:20

I don die with Christ for cross, so nor bi mi dey live again, but na Christ dey live inside mi. Di life wey I dey live naw, na bikos of di good tins wey God pikin do inside mi, bikos e love and die for mi.

Revelashon 2:18

“Make yu rite di tins wey I won tell yu naw, go give di angel for di church wey dey Tiatira: ‘Dis message na from God Pikin wey en eye red like fire wey dey burn well-well and en legs bi like bronze wey dem polish: