Acts 5:31 - Holy Bible Nigerian Pidgin English

³¹ But God don promote am sey make e sidan for en rite hand kon gi-am big pozishon as Oga God and di Pesin wey go save di world, so dat Israel shidren go turn from dia sin kom meet God make e forgive dem.

Acts 5:31 ပူးပေါင်းရင်းမြစ်များ

Psalms 89:19

Before-before, Yu tok thru vishon to pipol wey dey obey Yu. Yu sey, “I don choose sojas and I don selet one yong man from di pipol as king.

Psalms 89:24

My goodness and love wey nor dey fail, go dey with am and with my authority, e go grow with pawa.

Isaya 43:11

Yes! Na only mi bi God; di only One wey dey save una.

Isaya 43:3

Bikos na Mi bi di Oga wey bi una God. Israel pipol God wey dey holy, wey save una. I go sell Egypt, Sudan and Seba pipol, so dat una go dey free.

Isaya 45:21

So make una kom tok una kase; make una judge for unasef! Who don fit tok sometin and e happen? Nor bi mi bi God wey dey save pipol? No oda god dey apart from mi wey bi God and wey dey save una.

Isaya 49:26

I go make pipol wey dey opress una, chop dia own flesh; dem go drink dia own blood like wine. Den evribody go know sey mi, wey bi God, na-im bi di Pesin wey save and free una. Dem go know sey, na mi bi di mighty God for Israel.”

Isaya 9:6

Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Ezekiel 17:24

Evry tree for di land go know sey na mi bi God. I go kut di trees wey tall and di ones wey short, I go make dem tall. I go make green trees dry kon make dry trees, green. Mi wey bi God don tok and I go do wetin I sey I go do.”

Ezekiel 34:24

Mi God go bi dia God and one king like my savant David go rule dem. Mi, wey bi God, don tok.”

Ezekiel 37:25

Dem go stay for di land wey I give Jakob wey bi my savant; di land where dia grand-grand papa dey before. Dem with dia shidren and grand-shidren go stay der forever. Na from my savant David house, dia king go always kom from.

Daniel 10:21

“But I go first tell yu wetin dem rite for di book wey yu fit trust. (Nobody fit help mi against di prince, escept Mikael wey dey guide Israel.

Daniel 9:25

“So make yu know and undastand sey, ‘From naw wen I tell yu dis message, till di time wen dem go ribuild Jerusalem and di leader wey God choose go kom, e go bi seven weeks and sixty-two weeks. Dem go build di town well again, but wahala go dey for dat time.

Zekaraya 12:10

“Den I go pour my spirit to pray and to show mesi for David shidren-shidren body and di oda pipol for Jerusalem. Dem go dey look mi, di pesin wey dem shuk, den dem go mourn like pesin wey dey mourn en only pikin. Dem go kry well-well like sey na dia first boy pikin die.

Matiu 1:21

E go born boy and yu go koll am ‘Jesus,’ bikos e go save en pipol from dia sin.”

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

Mark 2:10

But make dem for know sey Man Pikin get pawa for dis world to forgive sins, Jesus kon tell di man wey nor fit waka,

Mark 4:12

so dat, “dem go dey look, but dem nor go si, dem go dey hear, but dem nor go undastand and dem nor go fit turn from dia sin kom meet God make E forgive dem.”

Luke 2:11

Today, dem born una Savior for dis town wey David from kom, en name na Christ, wey bi di Oga God.

Luke 24:47

and dem go use en name prish give pipol make dem for turn from dia sin kom meet God and di prishin go start from Jerusalem.’

John 4:42

Den dem kon tell di woman, “Nor bi wetin yu tell us make us bilive, but bikos wi don take awa own ear hear and wi don know sey, dis pesin true-true, na-im go save all di pipol wey dey dis world.”

Acts 11:18

Wen dem hear wetin Pita tok, dem nor argue with am again, so dem kon start to praiz God. Den dem sey, “Naim bi sey God don give Gentile pipol di shance to take turn from sin kom meet am, so dat dem go get di life wey nor dey end.”

Acts 13:23

Na from dis man family God give Israel, Jesus Christ, di Savior wey E promise dem before.

Acts 2:33

Bikos God don promote am make e dey en rite hand and e don receive di Holy Spirit wey en Papa promise and naw, e don pour di Holy Spirit for awa body, as una si am dey happen so.

Acts 2:36

So Israel pipol, make una know sey, God don turn dis Jesus Christ wey una kill, to bi Oga God and Mezaya.”

Acts 2:38

Pita ansa dem, “Make una turn from sin kom meet God one-by-one and make dem baptize una with Jesus Christ name, so dat God go forgive una, den una go fit receive di Holy Spirit.

Acts 3:15

Una kill di pesin wey dey give pipol life, but God raiz am from deat and wi bear witness sey dis na true.

Acts 3:19

So make una turn from sin kom meet God, make E for forgive una,

Acts 3:26

So God don raiz en savant and E don send am give una, make e for bless and help una turn from sin kom meet am.”

Acts 4:11

Dis Jesus Christ, di good stone wey una trowey, God don make am di main pila wey dey whole di house.

2 Korintians 2:10

Wen una forgive pesin for wetin e do, misef go forgi-am. Bikos wen I forgive (if I really nid to forgive), I do am for Christ present, bikos of una,

Efesians 1:7

Na thru Christ blood wi take get salvashon and na dis blood make God dey forgive us awa sins, bikos en grace big well-well.

Filippians 3:20

But wi bilong to heaven and wi dey wait awa Savior wey kom from der, wey bi Oga God Jesus Christ.

Kolossians 1:14

Dis na di pikin wey pay for us, so dat wi go dey free and God go forgive us awa sins.

Titus 1:4

I dey rite to Titus, my own pikin for faith. Make grace and peace wey dey kom from God awa Papa and from awa Savior Jesus Christ, dey with yu.

Titus 2:10

Make una nor dey tif, instead make una dey show sey una get faith, so dat evritin wey una dey do, go bring praiz to God awa Savior.

Titus 2:13

bikos wi dey wait for di day wen God sey Christ, wey bi awa God Almighty and Savior, go kom.

Hibru 12:2

Make wi dey look Jesus Christ wey give us awa faith and go help us keep am. Bikos of di joy wey Jesus dey espect, e sofa for cross and nor mind di shame wey follow am. But naw, e don sidan for di rite hand side for God throne.

Hibru 2:10

Dis na true, bikos na from am and thru am evritin take kom dis life, so dat salvashon go dey korrect thru en sofa and e go karry many pipol enter en glory.

1 Pita 3:22

go heaven kon go sidan for God rite hand, where e dey rule di angels and doz wey get pawa.

2 Pita 1:1

Na mi Pita wey bi Jesus Christ savant and apostle, rite dis leta to di pipol wey get di same faith wey wi get. God give una dis faith, bikos of en raitiousness wey kom thru awa Oga God and Savior, Jesus Christ.

2 Pita 1:11

Di door to enter awa Oga God and Savior Jesus Christ kingdom, wey nor go ever end, go open wide for una.

2 Pita 2:20

Afta dem don free from sin thru awa Oga God and Savior Jesus Christ and dem kon let sin masta dem again, dia kondishon for di end, go worse pass as e bi before.

2 Pita 3:18

But make una grow inside di grace wey awa Oga God and Savior, Jesus Christ give una, so dat una go know am more-more. Make glory bi en own, naw and forever! Amen.

1 John 4:14

Wi don si with awa eye sey, di Papa send en Pikin to bi Savior for di world.

Jude 1:25

Make all glory, majesty, pawa and authority, bi God own, naw and forever thru Christ wey bi awa Oga God. Amen!

Revelashon 1:5

and from Jesus Christ, di witness wey dey tok trut; di first-born among doz wey God raiz from deat and naim bi di King of all kings. Christ wey love and free us from awa sins with en own blood;