Acts 5:12 - Holy Bible Nigerian Pidgin English

¹² Na dis kind mirakle and wonder God do thru di apostles for di pipol front and dem kon dey meet for Solomon Varanda.

Acts 5:12 ပူးပေါင်းရင်းမြစ်များ

Jeremaya 26:9

Wetin make yu dey tok all dis foolish tins with God name? Wetin make yu dey tok with en name sey, ‘Dem go distroy dis temple, just as dem distroy Shiloh and nobody go dey here again.’ ” Den all di pipol kon gada round mi.

Mark 16:20

Den, di disciples go evriwhere for di aria dey prish di gospel and Jesus dey do many mirakles thru dem, so dat pipol go know sey, wetin dem dey prish, na true.]

John 10:23

Dat na di time wey rain dey fall (and kold dey strong well-well) and Jesus kon dey waka inside di varanda where Solomon for dey take breeze, wey dey inside di temple yard.

John 4:48

So Jesus ask am, “If una nor si signs and wonders una nor go bilive mi?”

Acts 1:14

Dem kon dey pray togeda evriday with one mind, with all di wimen, plus Mary, Jesus Christ mama and en brodas.

Acts 14:3

Di apostles stay der tey well-well and dem tok with boldness about God, wey show sey dia message about en goodness na true, bikos E kon give dem pawa to do many mirakles and wonders.

Acts 16:18

E kontinue to dey shaut like dis for many days. So di tin vex Paul well-well, naim e turn face di girl kon tell di spirit, “I kommand yu with Jesus Christ name, komot for dis girl body!” At wons, di spirit komot from di girl body.

Acts 19:11

Dat time, God use Paul dey do many wonderful mirakles,

Acts 2:46

Dem dey stay togeda evriday like one big family. Dem dey gada go di temple togeda and dem dey go from house to house, dey chop togeda with happiness.

Acts 28:9

Afta dis tin don happen, many pipol wey nor well for der kon still kom and e heal dem.

Acts 3:11

Di man still dey jump follow Pita and John with happiness and di pipol still dey sopraiz. Den di pipol run go meet Pita and John for di place wey dem dey koll “Solomon Varanda.”

Acts 4:30

anytime wen wi koll Yor holy pikin Jesus Christ name, make yu heal pipol and do many wonderful mirakles.”

Acts 9:33

E kon meet one man for der, en name na Aeneas wey nor fit waka since wen e bi eight years.

Acts 9:40

But Pita drive all of dem go outside, den e knee down kon pray. E turn face di dead body kon sey, “Tabita, get up!” Naim di woman open en eye and wen e si Pita, e kon sidan.

Romans 15:19

Yes! I go tok how Christ take do many mirakles and wonders thru di Holy Spirit pawa. I don prish di Good News from Jerusalem go rish Illyricum.

2 Korintians 12:12

True-true for una present, wi do mirakles and wonders to show sey wi bi apostles too.

Hibru 2:4

God use signs, mirakles and wetin di Holy Spirit do, take show sey, dia words na true.