Acts 3:25 - Holy Bible Nigerian Pidgin English

²⁵ All of una get share for inside di promise wey God make with una grand-grand papa dem thru di profets. Na so E tell Abraham sey, ‘Na thru di pikin wey yu go born, naim I go take bless all di family wey dey di world.’

Acts 3:25 ပူးပေါင်းရင်းမြစ်များ

Jenesis 12:3

I go bless doz wey bless yu, but doz wey curse yu, I go curse dem too. All di family for dis eart, go get blessing, bikos of yor name.”

Jenesis 17:19

But God sey, “No! Yor wife Sarah go get belle kon born boy for yu and yu go koll am, Isaak. I go keep my kovenant with am and en shidren-shidren forever. Di kovenant na forever and ever.

Jenesis 18:18

Afta all, Abraham go bi plenty pipol papa and I go bless evribody thru am.

Jenesis 20:7

Naw, make yu give di woman back to en husband, bikos true-true Abraham na profet and e go pray for yu and yu nor go die. But if yu nor gri give di woman back to en husband, make yu know sey yu must die with evritin wey yu get, even all yor pipol.”

Jenesis 22:18

Bikos yu don obey mi, evribody go get blessing, bikos I go bless yor shidren-shidren.’ ”

Jenesis 26:4

I go make yor shidren plenty like di stars wey dey di sky and I go give dem all dis land. I go bless all di nashon for di world with yor shidren-shidren name.

Jenesis 28:14

Yor shidren-shidren go plenty like san-san for groun and dem go skata go west, east, nort and sout. I go bless all di family for di world with yu and shidren-shidren name.

1 Kronikles 16:16

just as E promise Abraham and Isaak.

1 Kronikles 16:17

God give en kovenant to Jakob and na kovenant wey go last forever.

Nehemaya 9:8

Na bikos Yu si as e dey faithful rish, naim make Yu make kovenant with am. Yu promise to gi-am Kanaan, Hit, Amor, Periz, Jebus and Girgash pipol land. Di land wey en shidren-shidren go stay and Yu keep yor promise, bikos Yu dey faithful.

Psalms 22:27

Di whole eart go know God kon run go meet am. Evribody for di world go bow woship am.

Psalms 96:7

Make all di nashons for di world know God well; make dem know sey God strong well-well and E get glory.

Luke 1:72

E do dis tins to show en love for awa grand-grand papa dem and to remember di promise wey E give dem.

Acts 13:26

So my brodas, wey bi Abraham shidren and una wey bi Gentile pipol wey dey fear God, na di message about how God go take save pipol, naim wi kom tell una so.

Acts 2:39

Bikos dis promise na for una, all una pikin, pipol wey dey far place and all di pipol wey God go draw near ensef.”

Romans 15:8

Make I tell una di trut, Christ kom as Jew pipol savant to show sey, God don keep di promise wey E make with dia grand-grand papa dem. Christ still kom,

Romans 4:13

Wen God promise Abraham and en shidren sey dem go inherit di whole world, E do am, nor bi bikos Abraham dey obey di law, but bikos e bilive God and God si am as raitious pesin.

Galatians 3:16

Wi know sey God make dis promise with Abraham and en pikin. God word nor sey, “to di shidren”, but e sey, “and to yor pikin,” and e mean only one and dat one, na Christ.

Galatians 3:29

And if e bi sey una bilong to Christ, den una bi Abraham shidren and pipol wey go inherit wetin God promise.

Galatians 3:8

Dem rite for God word before sey, “E go asept Gentile pipol, wen dem get faith” and na dis make am tell Abraham before di time rish sey, “E go bless evribody, bikos of am.”

Revelashon 14:6

Den I si anoda angel dey fly for sky and e karry di Good News wey go dey forever dey kom prish give di pipol for dis eart, kountries, tribes, language and groups.

Revelashon 5:9

Dem kon dey sing new song sey: “Yu holy rish to take di book kon open di keys, bikos dem kill yu and na yor blood save all God pipol from evry tribe, language, group and kountry.

Revelashon 7:9

Afta all dis tins, I look up kon si crowd wey nobody fit kount. Dem kom from difren tribe, kountry, group, language and dem stand for di throne and di Lamb front. Dem wear white klot kon whole palm tree branches for hand