Acts 27:23 - Holy Bible Nigerian Pidgin English

²³ Bikos yestiday nite, God wey I dey serve, en angel appear to mi

Acts 27:23 ပူးပေါင်းရင်းမြစ်များ

Psalms 116:16

My God, I bi yor savant; yes, I bi yor savant wey dem born for yor house and Yu don free mi from di shains kon save mi from deat.

Psalms 135:4

True-true, God don choose Jakob as en own and Israel pipol as en own pipol.

Psalms 143:12

Use yor love wey nor dey fail, take silent all my enemies kon distroy dem, bikos I bi yor savant.

Exodus 19:5

And naw, if una go obey and keep my kovenant, una go bi special pipol wey I selet from di oda pipol for dis world, bikos na mi get di whole world.

Song of Songs 2:16

My love na my own and I bi en own too; e dey feed en animals for where lilys dey.

Song of Songs 6:3

I bilong to my love and e bilong to mi. E dey feed en animals among di lily flowers for di valley.

Isaya 44:21

God sey, “Israel pipol, make una remember sey una bi my savant and I nor go ever forget una.

Isaya 44:5

Den, one among dem go sey, ‘I bi God own.’ Anoda one go sey ‘I bi Jakob pikin.’ and anoda one go rite God name put for en hand kon sey, I dey among God pipol and my name na Israel.”

Jeremaya 31:33

Afta I don bring Israel pipol kom back to dia land, dis na di new kovenant wey I go make with dem: I go put and rite my law for dia heart. I go bi dia God and dem go bi my pipol.

Jeremaya 32:38

Den, dem go bi my pipol and I go bi dia God.

Ezekiel 36:38

Just as sheep wey dem won offa as sakrifice dey full Jerusalem before di feast, na so too pipol go full di town wey bin dey empty. Den evribody go know sey na mi bi God.”

Daniel 3:17

If di God wey wi dey serve dey alive, E go kom save us from yor hand and from di hot fire.

Daniel 3:26

Nebukadnezzar waka near di fire door kon koll dem, “Shadrak, Meshak and Abednego; God Almighty savants, make una kom out!” Den Shadrak, Meshak and Abednego kon waka komot from di hot fire.

Daniel 3:28

Nebukadnezzar kon sey, “I praiz Shadrak, Meshak and Abednego God, bikos na-im send en angel kom diliver en savants wey trust am. Dem nor gri obey di king kommand! Instead make dem bow woship my god, dem risk dia life kon sey, ‘Na only awa God wi go woship.’

Daniel 6:16

So di king sey make dem go trow Daniel for di lion pit. Di king tell Daniel, “Yor God wey yu dey serve evritime, go save yu!”

Daniel 6:20

As e rish der, e kon shaut, “Daniel, God wey nor dey die savant! Di God wey yu dey serve fit save yu?”

Daniel 6:22

My God send en angel kom klose di lion dem mout, so dat dem nor go tosh mi, bikos E si and know sey I nor do anytin. And I neva still do any bad tin to yu, my king.”

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”

Malakai 3:17

Oga God sey, “Dem go bi my pipol. For di day wey I go kom judge di world, na dem go bi my own. I go sorry for dem, just as papa dey sorry for en pikin wey serve am.

John 12:26

Anybody wey ready to serve mi, go must follow mi and where I dey, na der my savant go dey too. Anybody wey serve mi, my Papa go honor am.

Acts 12:23

At wons God angel kon nak Herod fall for groun, bikos e nor give God glory and plenty worm kon chop en body till e die.

Acts 16:17

Di girl kon dey follow mi and Paul for back dey shaut sey, “Dis pipol na God savants o-o, dem dey prish to una about how una go take save.”

Acts 18:9

Jesus kon tell Paul for vishon for nite, “Make yu nor kwayet bikos of fear, but make yu open yor mout dey tok,

Acts 23:11

For nite for di next day, Jesus kon stand near Paul tell am for vishon, “Make yu nor fear, bikos as yu don testify about mi for Jerusalem, na so yu go still do for Rome.”

Acts 5:19

But for dat nite, God angel open di prison door kon bring dem kom out and tell dem,

Acts 8:26

God angel kon tell Filip, “Get up make yu waka for di wildaness road wey dem dey pass from Jerusalem go Gaza.”

Romans 1:1

Paul wey bi Jesus savant and apostle wey e choose make e prish God word, na en rite dis leta.

Romans 1:9

God wey I dey serve and prish en pikin gospel, na-im fit bear mi witness sey I always dey remember una

Romans 6:22

But naw, una don dey free from sin kon bi God savant. Dis go make una dey holy and God go give una life wey nor dey end.

1 Korintians 6:20

God don pay betta prize for una, so make una honor am with una body.

Deutronomi 32:9

Na God get di pipol for Israel; na Jakob bi en special propaty.

2 Timoti 1:3

Anytime I remember yu for my prayer, weda na for nite or day time, I dey always tank God wey I dey serve with betta mind, just as my grand-grand papa dem serve am.

2 Timoti 2:24

Pesin wey bi Christ savant nor dey kworel, instead e must dey good with evribody; must sabi tish well-well and get patient with sturbon pipol.

2 Timoti 4:17

But God dey for my side and E give mi pawa, so dat thru mi, Gentile pipol go hear di Good News and Christ don save mi from lion mout!

Titus 1:1

Na Paul, wey bi Jesus Christ apostle and God savant rite dis leta to help pipol wey God don choose, so dat dia faith go strong kon know di trut wey go help dem live di kind life wey God wont.

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Hibru 1:14

All di angels na savants and na dem God send go prish for pipol wey go get salvashon.

Revelashon 22:16

“Mi, wey bi Christ, I don send my angel make e kom tell di pipol for di church di trut about dis tins. I kom from David family and na mi bi di brite Star wey dey shine for morning!”