Acts 20:35 - Holy Bible Nigerian Pidgin English

³⁵ Like dis, I don show una sey wi must help pipol wey dey weak and una remember wetin Jesus Christ tok, wen e sey, ‘E betta make pesin dey give pipol tins, dan make e dey kollect from dem.’ ”

Acts 20:35 ပူးပေါင်းရင်းမြစ်များ

Proverbs 19:17

Wen yu give sometin to poor pipol, e bi like sey God dey borrow from yu and God go pay yu evritin wey E borrow.

Isaya 32:8

But good pesin dey plan to do good tins and na-im karata dey save am.

Isaya 35:3

Di hands and legs wey don taya, make una make dem strong.

Matiu 10:8

Make una heal pipol wey nor well, wake pipol wey don die; cure lepers and drive demons komot from pipol body. Na free God give una dis pawa, so make una gi-am free to oda pipol too.

Acts 20:20

Una know sey I nor stop to dey tell una anytin wey go help una and I tish una for publik and for una house.

Acts 20:27

Bikos I nor hide anytin from una, as I dey tell una about God plan.

Acts 20:34

Una know sey na dis my hand I take dey work and get evritin wey I wont and even dey help pipol wey dey with mi.

Acts 20:36

Wen e tok all dis tins finish, e knee down with all of dem kon pray.

Romans 15:1

If awa faith dey strong, den make wi dey patient with doz wey get weak faith. Make wi try to make dem happy, instead of awasef.

1 Korintians 9:12

If odas dey do like dis, dat mean sey wi even get betta rite to do like dat too. But, wi dey bear evritin, so dat wi nor go kause trobol for Christ message.

2 Korintians 11:12

And I go kontinue to do wetin I dey do, so dat doz apostles nor go get rizin to boast sey, dem dey do di same work with us.

2 Korintians 11:9

Wen I nid anytin for di time wen I dey with una, I nor put my load for anybody head, bikos awa brodas wey Masidonia dey give mi evritin wey I nid. I nor allow mysef to bi problem for anybody and I nor go ever do am.

2 Korintians 12:13

Bikos di way wey dem trit us worse pass di oda church, escept sey I nor dey put my load for una head. Make una forgive mi for dis tins wey I do!

2 Korintians 8:9

Una know di grace wey awa Oga God Jesus Christ get; even doh e dey rish, e kon turn poor man bikos of una, so dat thru en poverty, una go dey rish.

Efesians 4:28

Pesin wey dey tif, make e nor tif again. Instead, make e work hard and do good with en own hand, so dat e go fit give pipol wey nor get.

1 Tesalonians 4:11

Make una dey do well, so dat una go live kwayet life; dey mind una own business and dey work with una hand as wi kommand una before.

1 Tesalonians 5:14

Wi dey beg una, awa brodas and sistas, make una tell pipol wey dey bihave anyhow sey, wetin dem dey do nor good, den make una help doz wey dey weak, but make una dey patient with evribody.

Hibru 13:16

Make una nor forget to do good and to share wetin una get with each oda, bikos doz kind sakrifice, dey make belle sweet God.

Hibru 13:3

Make una remember doz wey dey prison, like sey unasef dey der with dem and make una remember doz wey dey sofa, like sey una dey sofa like dem.

3 John 1:7

Dem start dia journey bikos of “Christ name” and dem nor gri take anytin from pipol wey nor bi Christian.