Acts 2:33 - Holy Bible Nigerian Pidgin English

³³ Bikos God don promote am make e dey en rite hand and e don receive di Holy Spirit wey en Papa promise and naw, e don pour di Holy Spirit for awa body, as una si am dey happen so.

Acts 2:33 ပူးပေါင်းရင်းမြစ်များ

Psalms 118:16

God don win di war with en strong rite hand. Yes! E don do many wonderful tins with en rite hand.

Psalms 89:19

Before-before, Yu tok thru vishon to pipol wey dey obey Yu. Yu sey, “I don choose sojas and I don selet one yong man from di pipol as king.

Psalms 89:24

My goodness and love wey nor dey fail, go dey with am and with my authority, e go grow with pawa.

Isaya 52:13

God sey, “My savant go get wetin e dey find; dem go honor am well-well.

Isaya 53:12

So, I go honor and put am for where great men dey, bikos na only en sakrifice en life and dem si am as sina too. E karry evribody sins for en head kon pray so dat God go forgive us.

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

Mark 16:19

Afta Jesus don tok to dem finish, God kon karry am go heaven and e sidan for God rite side.

Luke 24:49

I dey send wetin my Papa promise kom meet una. So make una stay for dis town until pawa go kom from heaven kon kover una.”

John 14:16

Den I go ask my Papa and E go send una anoda Pesin wey go help and stay with una forever.

John 14:26

But di pesin wey go help una na di Holy Spirit, wey my Papa go send kom for my name. E go tish una evritin and e go help una remember evritin wey I don tell una.

John 15:26

“But wen di true Spirit wey I go send from my Papa to help una don kom, e go tok about mi.

John 17:5

And naw, Papa honor mi, make yu draw mi near yu, just as wi dey before di world start.

Acts 1:4

Den wen e follow dem sidan dey tok, e kon kommand dem sey, “Make una nor leave Jerusalem, but make una wait for di tin wey my Papa promise wey I don tell una before.

Acts 10:45

Di bilivers wey bi Jew wey follow Pita go Joppa kon sopraiz well-well sey Gentile pipol too, fit receive di Holy Spirit,

Acts 2:17

“ ‘Wen di last day don rish, God sey, “I go pour my Spirit inside evribody and all una shidren, both boys and girls go dey profesai, una yong men go dey si vishon and una old men go dey dream plenty dreams.

Acts 5:31

But God don promote am sey make e sidan for en rite hand kon gi-am big pozishon as Oga God and di Pesin wey go save di world, so dat Israel shidren go turn from dia sin kom meet God make e forgive dem.

Romans 5:5

Dis hope nor dey disappoint pesin at-all, bikos God pour en love like river wey dey flow inside awa heart, thru di Holy Spirit wey E give us.

Galatians 3:14

so thru Christ, Abraham blessings go kom meet Gentile pipol and wi go receive di Spirit wey God promise us, thru faith.

Efesians 1:13

Since una don hear di trut kon bilive Christ, God don give una di Holy Spirit as special mark to show sey naim get una.

Efesians 4:8

Na dis make dem sey, “Wen e raiz-up go heaven, E karry many prisonas wey E free follow body and E give plenty gift to pipol.”

Titus 3:6

God give us dis Spirit for free thru Jesus Christ wey bi awa Savior.

Hibru 10:12

But naw, Christ offa only one sakrifice for sin wons and for all, den e kon go sidan for God rite hand,

Hibru 2:9

even doh wi si Jesus wey angels big pass small, e nor too tey before God gi-am glory and honor, bikos e sofa and die for evribody, just as God plan am.

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

1 Pita 3:22

go heaven kon go sidan for God rite hand, where e dey rule di angels and doz wey get pawa.