Acts 2:20 - Holy Bible Nigerian Pidgin English

²⁰ Di sun go black and di moon go red like blood, before di big day wen God tok about, go rish.

Acts 2:20 ပူးပေါင်းရင်းမြစ်များ

Isaya 13:10

True-true, all di stars and oda tins wey dey shine, go stop to shine. Di sun go dark as soon as e won kom out and di moon nor go give any lite again.

Isaya 13:15

Anybody wey dem katch, dem go shuk am die and anybody wey dem seize, na swod go kill-am.

Isaya 13:9

Si, di day wey God go judge us dey kom; na dat day E won take show en vexnashon, den di eart go turn to desert and E go distroy evribody wey dey sin.

Isaya 24:23

Di moon go dey dark and sun nor go shine again, bikos Oga God wey dey lead heaven sojas, go rule from Mount Zion for Jerusalem and evribody go si en glory wey big well-well.

Isaya 34:8

God don plan di day wey E go revensh Edom pipol for all di bad tins wey dem do en pipol, Israel.

Jeremaya 4:23

I look di eart kon si sey e empty and nor get shape; I look di sky and dia lite kon vanish.

Joel 2:1

Make yu blow di trumpet, so dat dem go hear am for Zion wey bi God holy hill. Make evribody fear well-well, bikos God day dey kom.

Joel 2:31

Di sun go turn to darkness and di moon go turn to blood. All dis tins go happen before di great day wey God don choose, go kom.

Joel 3:14

Plenty-plenty pipol dey Judgement Valley. For der, God day go soon kom.

Amos 8:9

For dat day, I go make di sun vanish for aftanoon and darkness go dey di eart for day time.” Oga God don tok.

Malakai 4:5

Make una si, I go send Profet Elijah kom meet una, before God Judgement Day go kom.

Matiu 24:29

“Afta di wahala wey go happen for dat time, “Di sun go kon dark and di moon nor go shine; stars go fall from heaven and heaven go dey shake.

Matiu 27:45

E kon happen sey, from twelf go rish three oklok for aftanoon, darkness kon kover di whole land.

Mark 13:24

“But for dat time, afta di sofa, “di sun go dark and di moon nor go shine again.

Luke 21:25

“Difren-difren signs go show for sun, moon and star. For inside dis world, pipol for difren kountries go dey worry and fear, bikos of di way rivers go dey move and wota go dey rush from sea enter land.

Acts 2:19

I go show plenty wonders for heaven and many mirakles for dis world, blood and fire go appear for inside di sky like smoke.

Acts 2:21

For dat time, evribody wey koll God name, God go save am.” ’

1 Korintians 5:5

So make una give dat pesin to Satan make e ponish am, so dat en sin go komot for en body and Christ go save am for di last day.

1 Tesalonians 5:2

Bikos una really know sey, di day wen Christ go kom, e go bi like wen tif dey kom for nite.

2 Pita 3:10

Di day wen God go kom, go bi like wen tif dey kom for nite. Wen E kom, di heaven go disappear with loud nois and di stars for up go melt, di whole eart and evritin wey dey inside, go vanish.

2 Pita 3:7

Na di same word God take keep dis heaven and eart dey wait for fire wey go kom. E keep dem dey wait Judgement day. Di day wen E go distroy di pipol wey nor dey fear am.

Revelashon 16:8

Den di fourt angel pour wetin dey en basin put for di sun and di sun kon dey shine with heat wey bi like fire,

Revelashon 6:12

Den di Lamb open di sixt key and big eartkweke kon happen. Di sun kon dark like black klot and di moon kon dey red like blood.