Acts 18:10 - Holy Bible Nigerian Pidgin English

¹⁰ I dey for yor side and nobody go fit do yu anytin, bikos I get plenty pipol for dis town.”

Acts 18:10 ပူးပေါင်းရင်းမြစ်များ

Exodus 4:12

Naw, make yu go and I go help yu tok kon tell yu wetin yu go tok.”

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 43:2

Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Isaya 54:17

But nor-tin wey pipol use against una, go fit distroy una; una go ovakom evribody wey dey akuiz una. Dis na wetin pipol wey dey serve Mi dey enjoy and I go defend and make dem win.” Na so God tok!

Isaya 8:10

Even if una plan, una nor go susid. Make una tok anytin wey una wont, but all of dem go dey yuzles, bikos God dey with us.

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

Matiu 10:30

Si! God know how many hair dey for una head.

Matiu 28:20

dey tish dem to do evritin wey I tish una. I go always dey with una until di world go end.”

Luke 21:18

But God eye go always dey wosh una.

John 10:16

I get oda sheep wey nor dey here. I must gada dem too and dem go listin to my vois, all of dem go dey togeda and na one shepad go lead dem.

John 11:52

and nor bi for only di Jew pipol, but make all God shidren, wey dey di world for gada togeda.)

Acts 15:14

Pita don tell us how God first choose some pipol from Gentile wey go dey tok about am.

Acts 15:18

and E know sey na so e go bi.

Acts 18:11

So Paul stay der for one year and six monts dey tish di pipol God word.

Acts 18:9

Jesus kon tell Paul for vishon for nite, “Make yu nor kwayet bikos of fear, but make yu open yor mout dey tok,

Romans 8:31

Wetin wi go tok about all dis tins? If God dey for awa side, who go fit dey against us?

2 Korintians 12:9

But e tell mi, “Di grace wey I give yu strong rish, bikos my pawa dey show wen yu dey weak.” So, I go boast well-well about how I nor dey strong, so dat Christ pawa go dey show for my body.

2 Timoti 4:17

But God dey for my side and E give mi pawa, so dat thru mi, Gentile pipol go hear di Good News and Christ don save mi from lion mout!

2 Timoti 4:22

Make Christ dey with yor spirit. Make God grace and favor dey with yu.

Joshua 1:5

Nobody go fit stop yu still yu die. I go dey with yu as I dey with Moses. I nor go forget or leave yu.

Joshua 1:9

I dey tok again, so dat yu go dey strong kon get heart! Make yu nor fear or shake, bikos mi wey bi di Oga yor God, I dey with yu for evritin wey yu dey do.”

Judges 2:18

As long as di leaders wey God give di pipol dey alive, E help and diliver dem from dia enemies. God sorry for dem well-well wen dem kry to am with pain, bikos of wetin dia enemies dey do dem.