Acts 17:24 - Holy Bible Nigerian Pidgin English

²⁴ God wey make di world and evritin wey dey inside, wey bi di Oga God for heaven and eart, nor dey stay inside house wey human being build

Acts 17:24 ပူးပေါင်းရင်းမြစ်များ

Jenesis 1:1

Wen di world just start, na God kreate di heaven and di eart.

Jenesis 14:19

E bless Abram kon sey, “Make di Most High God bless Abram, di God wey kreate heaven and eart.

Jenesis 14:22

But Abram ansa, “I raiz my hand to di Oga God, di Most High God wey kreate heaven and eart and I promise

1 Kings 8:27

My Oga God nor dey really stay dis eart! If evriwhere for di sky and di heavens wey high pass nor fit kontain Yu, den how dis temple wey I build go bi to Yu?

2 Kings 19:15

Hezekaya pray to God kon sey: “Oga wey bi Israel God, na Yu bi king among di creatures wey get feadas! Na only Yu bi God ova all di kingdoms for dis eart. Na Yu make di sky and di eart.

2 Kronikles 2:6

True-true! Who fit really build temple for am, since di sky and di heavens wey high pass too small for am? Who I bi to build temple for am? E go just bi where dem go for dey offa sakrifice gi-am.

2 Kronikles 6:18

God nor dey really stay with human being for dis eart! Si, if di sky and di heavens wey high pass nor rish Yu stay, den how dis temple go take kontain Yu?

Psalms 115:16

Na God get di heavens, but E don give di eart to human being.

Psalms 146:5

But pipol wey Israel God bi dia helpa and hope, dey inside di Oga God and na joy dey follow dem.

Psalms 148:13

Make all of dem praiz God name. Bikos en name dey great and en glory dey shine for di whole eart and for heaven!

Psalms 24:1

Na God get di eart and evritin wey dey inside. Di world and evribody wey dey stay inside, na en own too.

Isaya 40:12

E get anybody wey fit pak wota for hand kon measure am? Abi who fit measure di sky? Abi anybody don fit weigh all di san for di eart or weigh di mountins and hills with skale?

Isaya 40:28

Una nor know? Una neva hear? God go dey forever. Na-im kreate di whole world. E nor dey taya or weak. Nobody fit undastand wetin E dey tink.

Isaya 42:5

God wey kreate heaven kon stresh am out, wey make di eart and evribody wey dey inside, di Pesin wey give life to di pipol wey dey di eart and spirit to doz wey dey waka inside sey,

Isaya 45:18

God wey kreate di heavens and di eart sey, na-im still bi God! Na mi kreate di eart well and I nor kreate am to dey empty, but na for pipol to stay. E sey, “Na mi bi God and e nor get anoda one.

Isaya 66:1

God sey, “Heaven na my throne and na di eart I dey put my leg. Wish kind house una go fit build for mi? Wish kind place I go stay?

Jeremaya 10:11

So Israel pipol make una tell di oda nashons sey: ‘Nor bi doz gods make di heavens and di eart. So dem go disappear komot from di eart and heavens.’

Jeremaya 23:24

E nor get where pesin go hide put make I for nor si am. Yu nor know sey I dey evriwhere for di heavens and di eart?

Jeremaya 32:17

‘My Oga God! Na Yu kreate heaven and eart with yor mighty pawa and great strent. Nor-tin dey hard for Yu to do!

Daniel 4:35

Yu nor fit kompare God with anybody for dis world. E dey do wetin E like with di angels for heaven and pipol for dis world. Nobody fit shalenge or ask am, “Wetin Yu tink sey Yu dey do?”

Zekaraya 12:1

Dis na God message about Israel. Na God kreate di sky and di eart kon give life to man. God sey,

Malakai 2:10

Nor bi di same papa all of us get? Nor bi di same God kreate all of us? Den why wi dey break awa promise wey wi make to each oda kon hate di kovenant wey God make with awa grand-grand papa dem?

Matiu 11:25

For dat time, Jesus kon sey, “I praiz yu Papa, Oga God wey get heaven and eart, bikos yu hide dis tins from pipol wey get sense and doz wey know book well-well, but yu show dem to small shidren.

Matiu 5:34

But I dey tell una naw sey, make una nor ever use heaven swear at-all, bikos na God throne e bi,

Luke 10:21

For dat time, di Holy Spirit kon make Jesus dey happy, so e kon sey, “I praiz yu, Papa wey bi Oga God for heaven and eart, bikos yu don hide dis tins from pipol wey get sense and wise, but yu show dem to yor shidren. Yes, Papa, na so yu wont make e bi.

John 1:1

Since wen di time start naim di Word dey and di Word dey with God and na God ensef bi di Word.

Acts 14:15

“Why una won do dis kind tin? Wi too na human being like una! Wi kon tell una di Good News, wey go make una turn from sin kom meet God, wey make heaven, eart, sea and all di tins wey dey inside dem.

Acts 4:24

Wen dem hear wetin happen, dem kon pray to God sey, “God wey dey for heaven, yu wey make heaven, eart, di sea and evritin wey dey inside dem.

Acts 7:48

Wi know sey God nor dey stay for house wey human being build, just as di profet tok,

Romans 1:19

So God ponish dem, since dem know evritin wey dem suppose to know about God, bikos na-im show dem.

Deutronomi 10:14

Di heavens, di heavens wey high pass, plus di eart and evritin wey dey inside am, na God get all of dem.

Hibru 1:2

but naw, E dey tok to us thru en pikin wey get evritin and na thru am, E kreate di world.

Hibru 3:4

Na pesin build evry house, but di pesin wey build evritin, na God.

Revelashon 20:11

Den I si one big white throne and di Pesin wey sidan put. Eart and heaven run komot from en present and dem nor si where to hide put.