Acts 13:47 - Holy Bible Nigerian Pidgin English

⁴⁷ Bikos dis na wetin God don already kommand us sey: ‘I don choose una to bi lite for Gentile pipol, make una bring salvashon kom dis world.’ ”

Acts 13:47 ပူးပေါင်းရင်းမြစ်များ

Isaya 42:1

God sey, “Na my savant wey I give pawa bi dis; di pesin wey I choose and I dey happy with am. I don put my Spirit inside am and e go judge di nashons well.

Isaya 42:6

Na mi wey bi God choose yu to show as I good rish. I go hold yor hands kon guide yu and I go give yu to my pipol Israel, just to fulfil my kovenant. And yu go bi lite to guide oda nashons.

Isaya 45:22

Make evribody for di world turn kom meet mi naw and una go dey save, bikos na mi bi di only God wey dey.

Isaya 49:6

God tell mi, “My savant, I get big work for yu; yu nor go only make Israel pipol wey survive, great again, but I go still make yu di lite for di nashons, so dat all di world go dey save.”

Isaya 52:10

God go use en holy pawa take save en pipol and di whole world go si am.

Isaya 60:3

Nashons go kom enter una lite and kings go enter una brite lite.

Jeremaya 16:19

Den I sey, “My God! Na Yu dey protet and give mi pawa. Yu dey help mi anytime I dey for trobol. Nashons go kom from evriwhere for di eart kon sey, ‘Di gods wey awa grand-grand papa dem get, na only to lie dem know and dem nor fit save anybody.’

Hosea 1:10

But di time dey kom wen Israel pipol go plenty like san-san for sea wey nobody fit kount or measure. Aldo God dey sey, “Una nor bi my pipol,” but di day dey kom wen God go sey, “God wey nor dey die, na-im bi una papa!”

Amos 9:12

Den Israel pipol go take all wetin remain for Edom land and all di nashons wey bi my own.” God don tok and na so e go happen.

Mikah 5:7

Den Israel pipol wey survive go bi like dew for morning wey God send kom di nashons; like rain wey go make plant grow and e nor dey wait for man before e fall.

Zekaraya 2:11

For dat time, many nashons go kom meet God and dem go bi en pipol. God go stay with una, den una go know sey na God send mi kom.

Malakai 1:11

God sey, “From east go rish west, pipol go honor my name for evriwhere. Dem go burn betta incense and offa betta sakrifice give mi, bikos my name go dey great among all di nashons.

Matiu 28:19

So make una go make pipol my disciples for di whole world, dey baptize dem with di Papa, di Pikin and di Holy Spirit name,

Mark 16:15

Jesus kommand dem sey, “Make una enter evriwhere for di world go prish di gospel give evribody.

Luke 2:32

Na-im bi di lite wey go show Gentile pipol road kon bring honor to yor pipol, Israel.”

Luke 24:47

and dem go use en name prish give pipol make dem for turn from dia sin kom meet God and di prishin go start from Jerusalem.’

Acts 1:8

but una go get pawa wen di Holy Spirit don enter una life and una go tell pipol about mi for Jerusalem, for evriwhere for Judea and Samaria go rish all di far place wey dey dis world.”

Acts 22:21

But di Oga God sey, ‘Go, bikos I go send yu go far-far go meet Gentile pipol.’ ”

Acts 26:23

sey Christ sofa and e go bi di first to raiz from deat, so dat e go show di lite to awa pipol and even Gentile pipol.”

Acts 9:15

But God tell Ananias, “Make yu go meet am, bikos I don choose am make e karry my name to Gentile pipol, kings and all Israel pipol.