Acts 13:23 - Holy Bible Nigerian Pidgin English

²³ Na from dis man family God give Israel, Jesus Christ, di Savior wey E promise dem before.

Acts 13:23 ပူးပေါင်းရင်းမြစ်များ

2 Samuel 7:12

Wen yu die and yu don go join yor grand-grand papa, I go make one among yor shidren king and I go make en kingdom strong.

Psalms 132:11

God promise David di kind promise wey nor go shange sey: “I go put one among yor shidren for di throne.

Isaya 11:1

For dat time, one pesin go kom from Jesse family. Yes! One rut go grow kom out from David house.

Isaya 11:10

Di day dey kom wen di new king from David family go bi sign to all di nashons. Pipol go gada for en royal town; gi-am respet kon ask make e guide dem.

Isaya 43:11

Yes! Na only mi bi God; di only One wey dey save una.

Isaya 45:21

So make una kom tok una kase; make una judge for unasef! Who don fit tok sometin and e happen? Nor bi mi bi God wey dey save pipol? No oda god dey apart from mi wey bi God and wey dey save una.

Isaya 7:13

So Isaya sey, “Listin naw, una wey bi David shidren-shidren. Even doh e bad to dey try ordinary human being patient, una won try God own too?

Jeremaya 30:9

Dem go serve mi wey bi di Oga dia God and na one of David shidren-shidren, go bi dia king.

Amos 9:11

God sey, “For dat day, I go ribuild David kingdom wey fall. I go ripair en fence kon build am back. I go build am again kon make am bi as e bi before.

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Matiu 1:1

Jesus Christ wey dem born for David and Abraham family, naim story bi dis.

Matiu 1:21

E go born boy and yu go koll am ‘Jesus,’ bikos e go save en pipol from dia sin.”

Matiu 21:9

Pipol wey dey go for Jesus front and dem wey dey follow am for back kon dey shaut, “Praiz David Pikin! Di pesin wey kom with God name, God go bless am! Make wi praiz God wey dey heaven!”

Matiu 22:42

“Wetin una tink about Christ, wey bi di Mezaya? Wish pesin pikin e bi?” Dem kon ansa, “Na David Pikin.”

Luke 1:69

E send di Savior wey get pawa kom meet us, from David family.

John 4:42

Den dem kon tell di woman, “Nor bi wetin yu tell us make us bilive, but bikos wi don take awa own ear hear and wi don know sey, dis pesin true-true, na-im go save all di pipol wey dey dis world.”

John 7:42

Abi God word nor sey, ‘Christ go kom from David family wey dey Betlehem, di village wey David from kom?’ ”

Acts 13:32

And wi dey tell una di Good News about dis tins wey God promise awa grand-grand papa dem.

Acts 2:30

Wi know sey en na profet, bikos God don promise am sey, naim pikin dem go always bi king for Israel.

Acts 3:26

So God don raiz en savant and E don send am give una, make e for bless and help una turn from sin kom meet am.”

Acts 4:12

And na en pawa God dey use save pipol, bikos for di whole world, e nor get any oda name wey get pawa to save pipol, like Jesus Christ own.”

Romans 1:3

my Pikin kom dis world from David family

Romans 11:26

Na so God go save all Israel pipol just as en word sey: “Di pesin wey go save Israel pipol go kom from Zion, den Jakob shidren nor go dey do bad tins again.

Titus 1:4

I dey rite to Titus, my own pikin for faith. Make grace and peace wey dey kom from God awa Papa and from awa Savior Jesus Christ, dey with yu.

2 Pita 1:1

Na mi Pita wey bi Jesus Christ savant and apostle, rite dis leta to di pipol wey get di same faith wey wi get. God give una dis faith, bikos of en raitiousness wey kom thru awa Oga God and Savior, Jesus Christ.

2 Pita 1:11

Di door to enter awa Oga God and Savior Jesus Christ kingdom, wey nor go ever end, go open wide for una.

2 Pita 2:20

Afta dem don free from sin thru awa Oga God and Savior Jesus Christ and dem kon let sin masta dem again, dia kondishon for di end, go worse pass as e bi before.

2 Pita 3:18

But make una grow inside di grace wey awa Oga God and Savior, Jesus Christ give una, so dat una go know am more-more. Make glory bi en own, naw and forever! Amen.

2 Pita 3:2

I wont make una remember all di word wey di profets tok before and di kommandment wey awa Oga God and Savior give us thru di apostles.

1 John 4:14

Wi don si with awa eye sey, di Papa send en Pikin to bi Savior for di world.

Jude 1:25

Make all glory, majesty, pawa and authority, bi God own, naw and forever thru Christ wey bi awa Oga God. Amen!

Revelashon 22:16

“Mi, wey bi Christ, I don send my angel make e kom tell di pipol for di church di trut about dis tins. I kom from David family and na mi bi di brite Star wey dey shine for morning!”