Acts 13:2 - Holy Bible Nigerian Pidgin English

² As dem dey fast and woship God, di Holy Spirit kon tell dem, “Make una separate Banabas and Saul for di work wey I wont make dem do.”

Acts 13:2 ပူးပေါင်းရင်းမြစ်များ

1 Kronikles 16:4

David tell some Levi pipol sey, make dem lead di pipol as dem dey woship for di Kovenant Box front kon dey sing and praiz di Oga wey bi Israel pipol God.

Daniel 9:3

So I wear sak klot, sidan for ashes den turn to God kon dey beg am as I dey pray and fast.

Matiu 17:21

Dis kind demon nor go gri komot from pesin body escept na with fasting and prayer.”

Matiu 6:16

“Wen una dey fast, make una nor skwiz una face like pipol wey dey pritend, so dat pipol go si sey dem dey fast. I tell una true word, dem don already get dia full reward.

Matiu 9:38

So, make una pray make di Oga God wey get di farm, send pipol wey go work for en farm, kom.

Luke 10:1

Afta, Jesus choose seventy-two men kon send dem two-by-two go all di town and oda place where e won go leta.

Luke 2:37

E don rish eighty-four years since en husband die. E nor dey komot for di temple, e dey serve God and dey fast and pray day and nite.

Acts 10:19

As Pita still dey tink about di vishon, di Holy Spirit kon tell am, “Look! Three men dey find yu.

Acts 10:30

Kornelius ansa, “For days ago, for dis kind time for aftanoon, as I dey pray for my house, one man wey en dress dey shine kon stand for my front.

Acts 13:3

Afta dem don fast and pray finish, dem pray for Banabas and Saul kon send dem go.

Acts 13:4

So Banabas and Saul wey di Holy Spirit send kon go Seleucia and from der, dem enter ship go Cyprus.

Acts 14:26

From der, dem enter ship go Antiok, where dem for first pray for dem, for di work wey dem just finish naw.

Acts 20:28

Make una take kare of unasef and all di pipol wey di Holy Spirit don put under una, bikos na una bi di leaders for God church wey E buy with en only pikin blood.

Acts 22:21

But di Oga God sey, ‘Go, bikos I go send yu go far-far go meet Gentile pipol.’ ”

Acts 4:36

So Josef wey kom from Levi tribe and wey di apostles dey koll Banabas (wey mean pesin wey dey enkourage pipol) and en home-town na Cyprus,

Acts 6:4

So dat wi go fit put awa mind for prayer, as wi dey prish God word.”

Acts 8:29

Naim di Holy Spirit tell Filip, “Make yu waka go meet di man.”

Acts 9:15

But God tell Ananias, “Make yu go meet am, bikos I don choose am make e karry my name to Gentile pipol, kings and all Israel pipol.

Romans 1:1

Paul wey bi Jesus savant and apostle wey e choose make e prish God word, na en rite dis leta.

Romans 10:15

How pesin go prish God word wen God nor send am? As God word sey, “Pipol wey dey prish di Good News dey waka well, bikos na good tins dem dey bring!”

Romans 15:16

naim make am choose mi to bi Jesus Christ savant for Gentile pipol and make I for dey prish di Good News. Dis tin happen, so dat di Holy Spirit go make God dey happy with Gentile pipol.

1 Korintians 12:11

But na di same Spirit dey do all dis tins and e dey choose di kind gift wey e wont give each pesin.

1 Korintians 7:5

Make una nor refuse each oda, escept una gri sey una go dey like dat for sometaim, so dat una go fit pray. Den Satan nor go fit tempt una, bikos una go fit kontrol una body.

2 Korintians 11:27

I don do hard work; nor sleep for many nites; food and wota go dey hongry mi; many times, I nor get food to chop. I don dey for kold and I nor get klot to kover body.

2 Korintians 6:5

for di time wey dem dey beat us and put us for prison; for di time wey dem dey fight; for wahala time; for nite wey wi nor fit sleep and for hongry time.

Galatians 1:15

But God koll mi with en grace kon separate mi even before dem born mi.

Efesians 3:7

I bi dis gospel savant, bikos of God grace wey E give mi thru di work wey en pawa dey do.

Deutronomi 10:8

For dat time, God separate Levi tribe sey make dem karry God Kovenant Box kon stand for God present to serve am and na dem go dey bless pipol with en name and na so e bi till today.

Kolossians 4:17

Make una tell Arkippus sey, make e finish di work wey Christ gi-am.

1 Timoti 2:7

Na dis tins make God choose mi as prisha, apostle and tisha to Gentile pipol, so dat I go prish faith and wetin bi trut (na true word I dey tell una so, I nor dey lie).

2 Timoti 1:11

Na dis gospel make God choose mi as prisha, apostle and tisha.

2 Timoti 2:2

Di tins wey yu hear mi tok for pipol present, make yu tish oda pipol wey yu trust sey dem dey ready to tish odas.

2 Timoti 4:11

Na only Luke dey with mi. Make yu karry Mark follow body wen yu dey kom, bikos e go fit help mi for di ministry work.

2 Timoti 4:5

But make yu kontrol yorsef for evritin. Nor fear to sofa for Christ. Dey do God work and dey tell odas about di Good News.

Hibru 5:4

Nobody dey fit bi High Priest with en pawa bikos e wont make pipol honor am, but na only doz wey God koll to bi priest, just as E koll Aaron.

1 Samuel 2:11

Den, Elkanah and en family kon go back to Rama. But Samuel stay for Shiloh dey serve God with Eli wey bi di priest.