2 Timoti 1:12 - Holy Bible Nigerian Pidgin English

¹² And naim make mi dey sofa wetin I dey sofa so. But I nor dey shame, bikos I know di Pesin wey I dey serve and I dey sure sey, E go guide di tin wey I gi-am whole, until di day wey Christ go kom.

2 Timoti 1:12 ပူးပေါင်းရင်းမြစ်များ

Psalms 25:2

Na only Yu I trust, so make Yu nor let pipol disgrace mi or allow my enemies happy wen I fall.

Psalms 31:5

I don put my life for yor hand. So Oga God, make Yu diliver mi, bikos Yu bi God wey dey faithful.

Psalms 56:9

My enemies go run wen I koll Yu for help, bikos I know sey God dey for my side!

Psalms 9:10

Doz wey dey loyal to Yu, dey trust Yu, bikos Yu nor dey leave doz wey wont make Yu help dem.

Isaya 12:2

Si! Na God dey save mi. I go trust am and I nor go fear. Na God dey give mi pawa and strent and na-im dey save mi.

Isaya 50:7

But dia curse nor dey pain mi and bikos God wey get pawa dey help mi, I dey fit bear dem. I know sey dem nor go fit disgrace mi,

Isaya 54:4

Make una nor fear, dem nor go disgrace una again. Make una nor fear at-all, bikos una nor go face shame again. Una go forget una shame wey happen wen una dey small and una nor go remember di sofa wey una sofa wen una nor get shidren.

Nahum 1:7

Oga God dey good, E dey protet en pipol wen dem dey trobol and E dey kare for doz wey trust am.

Matiu 12:21

And en name go give hope to Gentile and oda pipol for dis world.”

Matiu 24:36

“Nobody know dat day or di time, even di angels for heaven nor know am, escept my Papa.

Matiu 7:22

For dat day wey God go judge evribody, many pipol go sey, ‘Oga God, wi use yor name prish God message, drive many demon komot from pipol body and do many mirakle.’

Luke 10:12

I tell una true word, e go betta for Sodom for judgement day pass dat town!

Luke 23:46

So, Jesus shaut, “Papa, I put my spirit for yor hand!” Afta e tok finish, e kon die.

John 17:15

I nor sey make yu remove dem from di world, but make yu protet dem from di devil.

John 6:44

Nobody go fit kom meet mi with en own pawa, unless my Papa wey send mi draw am kom meet mi and I go take am go up for di last day.

Acts 13:46

Paul and Banabas kon use boldness take ansa dem, “E good sey na una wi first prish God word give. But since una rijet am and una nor ready to get life wey nor dey end, wi go-go prish give Gentile pipol.

Acts 13:50

But di Jew pipol tok bad tins about Paul and Banabas give all di big wimen wey dey fear God and di big-big men for di town, so dem sofa dem and drive dem komot from di aria.

Acts 21:13

But Paul ansa, “Wetin una dey do so, una dey kry dey won break my heart? I ready, nor bi only make dem tie mi, but to die for Jerusalem, bikos of Jesus Christ name.”

Acts 7:59

As dem dey stone Stefen, e kon pray, “Oga God, Jesus Christ, make yu receive my spirit.”

Acts 9:16

True-true I go show am how e go sofa, bikos of my name.”

Romans 1:16

I nor dey shame to prish God word, bikos na-im bi di pawa wey God take dey save doz wey bilive am, weda dem bi Jew or Gentile pipol.

Romans 9:33

God word sey: “Si, for Zion, I dey arrange stones wey go make pipol fall, yet doz wey bilive am, E nor go disappoint dem.”

1 Korintians 1:8

God go help una rish di end, so dat E nor go si fault for una life for di day wen Jesus go kom back.

1 Korintians 3:13

make e know sey, God go espose en work, bikos E go test am with fire for Judgement Day. Di fire go test di work wey evribody dey do.

Filippians 1:20

Di hope wey I get bi sey, shame nor go ever fit katch mi; my heart go strong well-well and as I dey do naw, na so I go always dey do. Evritin for my body go praiz Christ, weda I dey alive or I don die.

Filippians 3:10

Wetin I wont na to know am and di pawa wey wake Christ from deat; to sofa wetin e sofa; to bi as e bi wen e die,

Filippians 3:21

E go use en pawa wey make am Oga God for evritin, take shange dis awa ordinary body and awa body go kon bi like en own wey get glory.

Filippians 3:8

Nor bi only doz ones, but naw, I dey look evritin as nor-tin, wen I kompare am with Christ, my Oga God wey I know and I trowey evritin, bikos of am. True-true, I dey look all doz tins as yeye, so dat I go fit gain Christ,

1 Tesalonians 2:16

Dem even try to stop us, so dat wi nor go prish di message wey go give salvashon to Gentile pipol. As dem dey do so, dia sins dey plenty more-more. But naw, God vexnashon with ponishment dey kom meet dem.

1 Tesalonians 5:4

But una wey bi awa brodas and sistas, make una komot from darkness, so dat, dat day nor go kom meet una as tif dey kom wen nobody dey espect,

1 Timoti 6:20

Timoti, make yu guide wetin God give yu well-well. Nor put yor mout for yeye tins or matter wey pipol wey nor know God dey tok and do, bikos dem dey oppoz yu with wetin dem feel sey dem know.

2 Timoti 1:14

Make yu guide di good tins wey God give yu thru di Holy Spirit wey dey inside us.

2 Timoti 1:16

Make God show en mesi to Onesiforus family, bikos e dey always make mi happy and e nor dey shame sey I dey prison.

2 Timoti 1:18

For di day wen Christ go kom, make e show am en mesi! And yu know how e help mi wen I dey Efesus.

2 Timoti 1:8

So make yu dey proud to tok about Christ or about mi wey dey prison bikos of am and make yu use di pawa wey God give yu, take follow mi sofa for dis gospel.

2 Timoti 2:9

and na dis Good News make mi dey sofa, sotey dem kon put mi for prison like tif; but dem nor fit put God word for prison!

2 Timoti 4:8

Naw, di prize for raitiousness dey wait mi and na God wey dey judge rite go give mi dis prize for di day wen Christ go kom. Di prize nor bi for mi alone, but na for evribody wey dey wait for Christ to kom back.

Titus 3:8

Dis word wey I dey tok so na trut and I wont make yu make sure sey evribody wey trust God dey do good. Dis tishing dey good and e go help evribody.

Hibru 12:2

Make wi dey look Jesus Christ wey give us awa faith and go help us keep am. Bikos of di joy wey Jesus dey espect, e sofa for cross and nor mind di shame wey follow am. But naw, e don sidan for di rite hand side for God throne.

Hibru 2:18

Bikos Jesus sofa and devil tempt am, e don get pawa to save pipol wey devil dey tempt.

Hibru 7:25

So, di pipol wey Jesus take go meet God, e go save dem for forever and ever, bikos e dey alive to pray for dem.

1 Pita 1:5

and en pawa dey protet am thru faith and wi dey wait for di salvashon wey go kom for di time wen di world go end.

1 Pita 4:16

But if yu sofa bikos yu bi Christian, make yu nor shame, but dey praiz God, bikos yu dey ansa Jesus name.

1 Pita 4:19

So if yu dey sofa as God wont am, make yu trust God wey kreate yu and E nor go ever fail yu.

Jude 1:24

Naw, make all glory bi God own, bikos E nor let una fall and E go bring una kom en present with betta joy wey nor get fault.