2 Timoti 1:10 - Holy Bible Nigerian Pidgin English

¹⁰ But naw, E don bring all dis plan out wen awa Oga God Jesus Christ kom dis world. E distroy deat pawa kon bring life wey nor dey end thru di gospel.

2 Timoti 1:10 ပူးပေါင်းရင်းမြစ်များ

Isaya 43:3

Bikos na Mi bi di Oga wey bi una God. Israel pipol God wey dey holy, wey save una. I go sell Egypt, Sudan and Seba pipol, so dat una go dey free.

Isaya 45:15

True-true, na Yu bi Israel God and Savior and Yu bi God wey nor dey show yorsef.

Isaya 45:21

So make una kom tok una kase; make una judge for unasef! Who don fit tok sometin and e happen? Nor bi mi bi God wey dey save pipol? No oda god dey apart from mi wey bi God and wey dey save una.

Hosea 13:14

I nor go save dis pipol from grave or save dem from deat pawa. So deat, make yu bring all yor wahala kom! Yu grave, make yu bring all yor distroshon kom, bikos I nor go pity for dis pipol again.

Luke 11:36

If lite full yor body and darkness nor dey inside at-all, e go shine well-well like wen lamp dey shine for yor face.”

Luke 13:7

Naim e kon tell doz wey dey wosh di farm sey, ‘Since three years naw, I dey fine fruit for dis tree, but wen I look, I nor dey si. So, make una kut am down! Why wi still let am dey take space?’

Luke 2:11

Today, dem born una Savior for dis town wey David from kom, en name na Christ, wey bi di Oga God.

John 1:9

Na Jesus bi di true lite wey go shine for evribody for dis world.

John 14:6

Jesus ansa am, “Na mi bi di road, di trut and life. Nobody go fit go meet my Papa, unless e pass thru mi.

John 20:31

But dis tins wey dem rite so, na make una for bilive sey na Jesus bi di Christ and naim bi Man Pikin and if una bilive am, una go get life thru en name.

John 4:42

Den dem kon tell di woman, “Nor bi wetin yu tell us make us bilive, but bikos wi don take awa own ear hear and wi don know sey, dis pesin true-true, na-im go save all di pipol wey dey dis world.”

John 5:40

but una nor ready to kom meet mi, so dat una go get life wey nor dey end.

Acts 13:23

Na from dis man family God give Israel, Jesus Christ, di Savior wey E promise dem before.

Acts 5:31

But God don promote am sey make e sidan for en rite hand kon gi-am big pozishon as Oga God and di Pesin wey go save di world, so dat Israel shidren go turn from dia sin kom meet God make e forgive dem.

Romans 16:26

but naw, dem don tok am at last. God wey nor dey die, kommand en profets make dem rite about di Good News, so dat pipol for evriwhere, go obey am and get faith.

Romans 2:7

God go give life wey nor dey end to di pipol wey dey do good, wey wont glory, honor and long life.

Romans 3:31

So make wi trowey di law bikos of faith? No way! E nor go work! Instead, wi go make di law strong well-well.

Romans 6:6

Wi know sey di pesin wey wi bi before, dem don nail am for cross with Jesus. So awa body nor bi sin savant again.

1 Korintians 15:26

and di last enemy wey e go distroy, na deat.

1 Korintians 4:5

So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

2 Korintians 5:4

Wi dey struggol as wi dey dis awa body. Wi dey karry heavy load, bikos wi nor won remove di klot wey bi awa body, but wi won wear heaven own join am, so dat life go swallow dis awa body wey fit die.

Galatians 5:4

Pipol wey wont make pipol know sey dem dey good, bikos dem dey keep di law, dem don already fall komot from God grace.

Efesians 1:18

Una eye don open to undastand di grace wey God koll una kom enter and una don si how di blessing wey E promise en pipol, plenty rish.

Efesians 1:9

E do like dis wen E show us di sekret plan wey E get and di good mind wey E show evribody, thru Christ.

2 Tesalonians 2:8

Den evribody go know who dis wiked man bi and God go distroy am with breeze from Christ mout kon beri am with di glory wey dey kom.

2 Timoti 1:1

Na Paul, Jesus Christ apostle rite dis leta, bikos na so God wont am, so dat I go prish about di life wey God promise us thru Christ.

2 Timoti 1:8

So make yu dey proud to tok about Christ or about mi wey dey prison bikos of am and make yu use di pawa wey God give yu, take follow mi sofa for dis gospel.

2 Timoti 4:1

I dey tell yu wetin to do for God and Jesus Christ present. Wen Christ go appear to make en kingdom stand, e go judge pipol wey dey alive and doz wey don die.

2 Timoti 4:8

Naw, di prize for raitiousness dey wait mi and na God wey dey judge rite go give mi dis prize for di day wen Christ go kom. Di prize nor bi for mi alone, but na for evribody wey dey wait for Christ to kom back.

Titus 2:11

Bikos God grace wey bring salvashon, don kom out make evribody si am.

Titus 2:13

bikos wi dey wait for di day wen God sey Christ, wey bi awa God Almighty and Savior, go kom.

Titus 3:4

But wen God awa Savior show us di kindness and love wey E get for us,

Hibru 10:32

But make una remember how tins bi with una before, how una dey sofa afta una don receive God lite, yet una nor allow di sofa shange una mind.

2 Pita 1:1

Na mi Pita wey bi Jesus Christ savant and apostle, rite dis leta to di pipol wey get di same faith wey wi get. God give una dis faith, bikos of en raitiousness wey kom thru awa Oga God and Savior, Jesus Christ.

2 Pita 1:11

Di door to enter awa Oga God and Savior Jesus Christ kingdom, wey nor go ever end, go open wide for una.

2 Pita 1:3

I pray make God pawa give us evritin wey wi nid, so dat wi go fit live di kind life wey E wont, as wi don know di trut about Jesus wey koll us with en glory and goodness.

2 Pita 2:20

Afta dem don free from sin thru awa Oga God and Savior Jesus Christ and dem kon let sin masta dem again, dia kondishon for di end, go worse pass as e bi before.

2 Pita 3:18

But make una grow inside di grace wey awa Oga God and Savior, Jesus Christ give una, so dat una go know am more-more. Make glory bi en own, naw and forever! Amen.

2 Pita 3:2

I wont make una remember all di word wey di profets tok before and di kommandment wey awa Oga God and Savior give us thru di apostles.

1 John 1:2

and dis life kom out and wi don si am. Na dis tins wi dey tok about. Wi dey tell una about di life wey nor dey end, wey dey with di Papa for heaven and E don show am to us.

1 John 4:14

Wi don si with awa eye sey, di Papa send en Pikin to bi Savior for di world.

Revelashon 18:1

Afta all dis tins, I still si anoda angel wey get betta authority, dey kom down from heaven and di way e brite rish, kon make di eart dey shine.

Revelashon 2:7

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, I go allow am chop from di tree for God Paradise and dis tree dey give life.’ ”

Revelashon 20:14

Den dem trow deat and grave inside di fire. Dis fire na di sekond deat.

Revelashon 22:14

God don bless doz wey wosh dia klot klean, so dem go get authority to chop from di tree wey dey give life and dem go fit pass di gate enter di town.

Revelashon 22:17

Di Spirit and di Bride sey, “Kom!” Make di pesin wey hear sey, “Kom!” And anybody wey wota dey hongry, make e kom; di pesin wey wont di wota wey dey give life, make e drink from am free of sharge.