2 Tesalonians 3:2 - Holy Bible Nigerian Pidgin English

² Make God diliver us from wiked and evil pipol, bikos nor bi evribody get faith.

2 Tesalonians 3:2 ပူးပေါင်းရင်းမြစ်များ

Matiu 17:17

Jesus kon ansa, “Una wey nor get faith and wey nor know wetin to do! How long I go dey with una? How long I go bear with una? Make una bring di boy kom here.”

Matiu 23:23

“E go bad for una wey dey tish di law and una Farisee pipol, una wey dey pritend! Una dey give one out of evry ten tins wey una get, but una nor dey do di important tin wey di law tok, wey bi to give korrect judgement, to trit pipol well and to do wetin dey good! Una suppose to dey do dis tins join di oda one.

Luke 18:8

I tell una true word, God go help dem kwik-kwik. But wen Man Pikin kom back, e go si pipol wey get faith?”

Acts 13:45

But wen di Jew pipol si as di pipol plenty rish, jealousy kon full dia mind, so dem start to oppoz wetin Paul dey tok kon dey curse am.

Acts 13:50

But di Jew pipol tok bad tins about Paul and Banabas give all di big wimen wey dey fear God and di big-big men for di town, so dem sofa dem and drive dem komot from di aria.

Acts 14:2

But di Jew pipol wey nor gri bilive, gada di Gentile pipol kon spoil dia mind against Paul and Banabas.

Acts 17:5

But di Jew pipol dey jealous, so dem kon gada aria boys wey dey waka about for market, take form gang to skata di town. Dem attack Jason house, bikos dem tink sey Paul and Silas dey der, so dat dem go bring dem out kon take dem go di town hall.

Acts 25:27

Bikos for my mind, e nor dey rite to send prisona go kourt, wen yu nor rite wetin e do.”

Acts 28:24

Some among dem bilive wetin e tok, but some nor bilive.

Romans 10:16

But nor bi evribody gri asept di Good News, even Profet Isaya sey, “My God, anybody don bilive awa message?”

Romans 15:31

Make una pray make God save mi from pipol wey nor bilive am for Judea and make di bilivers wey dey Jerusalem, asept wetin I dey prish.

1 Korintians 15:32

If resureshon nor dey, wetin kon bi my gain, afta I don fight wiked animal for Efesus? Na bikos of pride make mi do am? If na so, e go good make wi dey chop and drink bikos tumoro wi go die.

Deutronomi 32:20

God sey, “I go rijet dem, I go si wetin go happen to dem; bikos dis generashon dey show sey dem too know and dem nor get sense.

1 Tesalonians 2:18

Wi bin won kom si una (mi wey bi Paul don try to kom many times), but Satan spoil awa plan.

2 Timoti 4:17

But God dey for my side and E give mi pawa, so dat thru mi, Gentile pipol go hear di Good News and Christ don save mi from lion mout!