2 Tesalonians 3:12 - Holy Bible Nigerian Pidgin English

¹² Wi dey kommand and enkourage dis kind pipol with awa Oga God Jesus Christ name sey, make dem do dia work well, so dat dem go fit feed demsef.

2 Tesalonians 3:12 ပူးပေါင်းရင်းမြစ်များ

Proverbs 17:1

E betta to chop dry bread with peace of mind, dan to get plenty food for house with kworel.

Ekklesiastes 4:6

E betta make yu get small propaty with peace for mind, dan to dey work hard, bikos yu nor go still gain anytin and e bi like wen pesin dey try to katch breeze.

Luke 11:3

Give us di bread wey wi go chop today,

Efesians 4:28

Pesin wey dey tif, make e nor tif again. Instead, make e work hard and do good with en own hand, so dat e go fit give pipol wey nor get.

1 Tesalonians 4:1

Finally, my brodas and sistas, wi dey ask and beg una bikos of Christ sey, as una don hear from us about how una suppose live as God wont (as una dey do naw), make una kontinue to dey live like dat.

1 Tesalonians 4:11

Make una dey do well, so dat una go live kwayet life; dey mind una own business and dey work with una hand as wi kommand una before.

2 Tesalonians 3:8

Wi nor chop anybody food wey wi nor pay for. Instead, wi dey struggol and work hard for day and nite, so dat wi nor go bi wahala to una.

1 Timoti 2:2

Make una pray for kings and doz wey dey rule, so dat wi go fit live for peace, get betta karata and good life with fear for God.