2 Tesalonians 3:1 - Holy Bible Nigerian Pidgin English

¹ Finally, my brodas and sistas, make una pray for us, so dat Christ message go kontinue to spread kon get glory just as e really get among una.

2 Tesalonians 3:1 ပူးပေါင်းရင်းမြစ်များ

Psalms 138:2

I bow kon woship Yu for yor holy temple. I dey praiz yor name, bikos of yor faithfulnes and love wey nor dey fail; bikos Yu don make yor promise and e high pass di sky.

Matiu 9:38

So, make una pray make di Oga God wey get di farm, send pipol wey go work for en farm, kom.

Luke 10:2

E tell dem, “Di fruit wey dem won plok, plenty, but pipol wey go plok dem, nor plenty rish. Make una pray make di Oga God wey get di farm send workers kon gada en fruit.

Acts 12:24

But God word kontinue to dey spread.

Acts 19:20

So God word kon dey grow more-more and dem kon dey win many souls.

Acts 6:7

Na so God word start to spread and di disciples wey dey Jerusalem kon plenty well-well. And many priests kon bilive Jesus Christ.

Romans 15:30

My brodas and sistas, I dey beg una with Jesus Christ and di Holy Spirit love; make una help mi pray to God.

1 Korintians 16:9

bikos plenty work dey wait for mi for der, even doh di shalenge strong well-well.

2 Korintians 1:11

As una don join dey pray for us, na so too God go ansa all di many prayers wey una dey pray for us, den E go bless us and many pipol go kon tank am, bikos of wetin E dey do for us.

2 Korintians 13:11

Finally my brodas and sistas, make una use happiness dey do tins as dem suppose bi. Make una take heart, dey greet each oda and live togeda for peace and di God wey get love and peace, go dey with una.

Kolossians 4:3

Like dis too, make una dey pray for us, so dat God go give us betta shance to tok about Christ sekret, wey make mi dey prison.

1 Tesalonians 1:5

Nor bi only thru ordinary word wi take prish di gospel give una, but na with di Holy Spirit pawa and wi show sey, evritin wey e tok, na true. Una know how wi dey live and help una.

1 Tesalonians 1:8

Bikos nor bi only sey di message about Christ don rish evriwhere for Masidonia and Akaia, but dem don hear di news about una faith for evriwhere. So wi nor even nid to tok about una again.

1 Tesalonians 2:1

Awa brodas and sistas, una know sey awa visit nor dey yuzles.

1 Tesalonians 2:13

Wi still dey tank God evritime, bikos wen una asept God message wey una hear from us, una nor asept am like sey na human being message, but una asept am as God message and true-true na God message e bi and God dey work inside una wey don bilive.

1 Tesalonians 4:1

Finally, my brodas and sistas, wi dey ask and beg una bikos of Christ sey, as una don hear from us about how una suppose live as God wont (as una dey do naw), make una kontinue to dey live like dat.

1 Tesalonians 5:17

Make una dey pray evritime.

1 Tesalonians 5:25

My brodas and sistas, make una pray for us.

2 Timoti 2:9

and na dis Good News make mi dey sofa, sotey dem kon put mi for prison like tif; but dem nor fit put God word for prison!