2 Tesalonians 2:4 - Holy Bible Nigerian Pidgin English

⁴ E go oppoz and karry ensef pass God and oda tins wey pipol dey woship. E go even sidan for God Temple dey tok sey e bi God.

2 Tesalonians 2:4 ပူးပေါင်းရင်းမြစ်များ

Isaya 31:3

Egypt pipol nor bi god! Dem bi ordinary human being. Dia horse na just flesh nor bi spirit! God go distroy dem with en hand. Di pipol wey dey help dem, go stagga and di ones wey dem dey help, go fall for groun and all of dem go die togeda.

Ezekiel 28:2

“Man pikin, go tell Tyre king wetin mi God wey get pawa dey tell am: “Yu dey proud and yu dey sey yu bi god wey sidan for throne and sea dey round yu. Yu fit pritend sey yu bi god, but make yu know sey na human being yu bi and nor bi wetin yu tink.

Ezekiel 28:6

“Naw, dis na wetin mi God wey get pawa dey tok: “ ‘Bikos yu tink sey yu dey wise as god,

Ezekiel 28:9

Wen dem dey kom kill yu, yu go still tok sey yu bi god? By di time yu go si di pipol wey won kill yu, yu go know sey yu nor bi god, but na ordinary human being yu bi.

Daniel 11:36

“Den di king go do wetin e like. E go dey make mout and karry body up sey, ‘I get pawa pass any oda god. I even high pass God wey dey heaven.’ E go dey susid until di time wey God won ponish am, don rish. God go do wetin E don plan.

Daniel 11:45

E go even build small palis for di sea centre near di holy mountin. But wen e go die, nobody go dey der to help am.”

Daniel 7:25

E go tok against God kon opress anybody wey dey serve God. E go try to shange laws, festivals and di pipol wey dey serve God, go dey under am for three and half years.

Daniel 7:8

“As I still dey look di horn, I si anoda small horn dey kom out from di big wons and three of di former horn kom skata make dis ones for fit kom out. Dis horn get eye wey bi like human being own and mout wey e take dey tok anyhow.

Acts 17:23

Bikos as I waka round dey look all di tins wey una dey woship, I even si one shrine wey dem rite put sey: ‘To di god wey pipol nor know.’ So wetin una dey woship wey una nor know, naim I kon tell una about today.

1 Korintians 8:5

Dem dey koll many tins for heaven and eart, “gods and mastas,” but non of dem really bi god or masta.