2 Tesalonians 2:2 - Holy Bible Nigerian Pidgin English

² make fear nor dey una mind or spirit; even doh wi tell or rite give una sey Christ go soon kom.

2 Tesalonians 2:2 ပူးပေါင်းရင်းမြစ်များ

Isaya 26:3

Oga God, Yu dey guide and save pipol wey dey faithful, bikos dem trust Yu.

Isaya 7:2

So some pipol kon tell Judah king sey Siria sojas dey for Israel aria, den en and all en pipol kon dey fear, sotey dem bigin shake like tree wey breeze dey blow.

Mikah 2:11

If lie-lie profet kon tell una sey, “Make una dey drink wine and plenty strong drink!” Una go happy, bikos dat na di kind profet wey una dey like!

Matiu 24:24

Lie-lie messiahs and profets go kom do big-big mirakles take deceive pipol. If e possibol sef, dem go deceive pipol wey God choose.

Mark 13:7

Wen una hear about war wey dey happen and rumor sey war won happen, make una nor fear. All dis tins must happen, but time neva rish wen di world go end.

Luke 21:19

So, if una stand rish di end, God go save una.”

Luke 21:9

And wen una hear rumor about war and wahala, make una nor fear. Bikos all dis tins go first happen, but dat nor mean sey di end don rish.”

John 14:1

“Make una nor let anytin worry una mind. Since una bilive God, make una still bilive mi.

John 14:27

Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

1 Korintians 1:8

God go help una rish di end, so dat E nor go si fault for una life for di day wen Jesus go kom back.

1 Korintians 14:32

Pesin wey bi profet must dey ready to stop, so dat anoda pesin go tok, bikos profet suppose to fit kontrol en own spirit,

1 Korintians 7:26

Dis time wey wi dey nor eazy at-all and wetin I tink bi sey, e go good make una stay as una bi naw.

Efesians 5:6

Make una nor let anybody deceive una with yeye word, na dis tins make God dey vex for doz wey nor dey obey am.

1 Tesalonians 3:3

so dat nobody among una go dey fear, bikos of all dis sofa. Unasef know sey all wetin dey happen, na as God plan am.

1 Tesalonians 4:15

Bikos wetin wi dey tish una naw, na wetin Christ tish sey: Wi wey dey alive wen Jesus go kom, nor go follow am go kon leave doz wey don die bikos, all of us go-go with am.

1 Tesalonians 5:2

Bikos una really know sey, di day wen Christ go kom, e go bi like wen tif dey kom for nite.

2 Tesalonians 2:15

So, my brodas and sistas, make una stand well for groun kon whole wetin wi tish una tait; weda na thru di words wey wi tok or letas wey wi rite.

2 Tesalonians 3:17

Na mi Paul dey rite and greet una with my own hand, just as I dey do for evry leta wey I don send kom meet una.

Revelashon 19:20

So dem seize di beast and di fake profets wey dey help am do mirakles to deceive pipol wey kollect di beast mark and woship en image. Den dem trow dem two inside di fire wey sulfur dey and di fire burn dem alive.