2 Tesalonians 2:15 - Holy Bible Nigerian Pidgin English

¹⁵ So, my brodas and sistas, make una stand well for groun kon whole wetin wi tish una tait; weda na thru di words wey wi tok or letas wey wi rite.

2 Tesalonians 2:15 ပူးပေါင်းရင်းမြစ်များ

Romans 16:17

Naw, my brodas and sistas, I dey beg una, make una know di pipol wey dey kause wahala and oppoz di tishing wey una don learn from us. Den make una nor go near dem!

1 Korintians 11:2

I dey praiz una, bikos una always dey do di tins wey I tell una,

1 Korintians 15:58

So my friends, make una dey strong and nor let anytin shake una. Make una always dey do God work, bikos una know sey, evritin wey una do for God, get gain.

1 Korintians 16:13

Make una shine una eye and dey strong for una faith and stand with boldness.

Filippians 4:1

My brodas, sistas and friends wey I love, I dey hongry to si una, bikos una dey make mi proud. My friends wey I love, make una stand well inside Christ!

2 Tesalonians 2:2

make fear nor dey una mind or spirit; even doh wi tell or rite give una sey Christ go soon kom.

2 Tesalonians 3:14

But if anybody nor obey awa message thru dis leta, make una look dat kind pesin well-well and make nobody follow am waka or do anytin togeda, so dat shame go katch am.

2 Tesalonians 3:6

My brodas and sistas, wi dey kommand una with awa Oga God Jesus Christ name sey, make una nor follow bilivers wey dey do anyhow and nor dey do as wi tell dem.

Titus 1:9

E must bilive di message about God wey e dey tish, so dat e go fit tell pipol di trut and korrect doz wey dey oppoz am.

Jude 1:3

My friends, even doh e don dey hongry mi since to rite give una about di salvashon wey wi dey share togeda, naw e strong well-well for my mind to rite, so dat una mind go dey strong. So una go fit stand fight for wetin wi bilive; di tins wey God don give en pipol and nor-tin go fit shange am.