2 Samuel 8:15 - Holy Bible Nigerian Pidgin English

¹⁵ David rule evriwhere for Israel and e make sure sey dem trit evribody well with betta mind.

2 Samuel 8:15 ပူးပေါင်းရင်းမြစ်များ

2 Samuel 15:3

Absalom go tell am, “Si, una dey rite for wetin una dey do, but e nor get anybody wey won ripresent di king make e for listin to una.”

2 Samuel 20:23

Na Joab dey kommand Israel pipol soja, while Benaya wey bi Jehoiada pikin dey kontrol David bodyguard.

2 Samuel 3:12

Abner kon send messenjas go meet David wey dey Hebron dat time sey, “Who go rule dis land? Make yu make agriment with mi and I go bring Israel pipol kom yor side.”

2 Samuel 5:5

E rule Judah pipol from Hebron for seven and half years; e rule Israel pipol for Jerusalem and Judah for thirty-three years.

2 Samuel 8:14

E build soja kamp for evriwhere for Edom and di pipol for der kon dey under en pawa. God make David win for evriwhere.

2 Samuel 8:16

Joab wey en mama name na Zeruaya, naim dey kommand di sojas, while Jehoshafat wey bi Ahilud pikin, dey keep rekord.

1 Kings 10:9

Make wi praiz di Oga wey bi yor God! E don show how E dey happy with yu, bikos E make yu king for Israel and di love wey E get for Israel pipol, go last forever. E don make yu dia king, so dat yu go fit keep di law and dey judge well.”

1 Kings 4:1

King Solomon rule evriwhere for Israel land.

1 Kronikles 18:14

David rule Israel land kon make sure sey dem dey trit en pipol well.

Psalms 119:121

I dey do wetin dey rite, so make Yu nor leave mi for doz wey dey opress mi.

Psalms 72:2

Den e go judge yor pipol and doz wey dem dey opress, well.

Psalms 75:2

God sey, “Wen di time wey I choose don rish, I go judge pipol.

Psalms 89:14

Na raitiousness and justice Yu take make di foundashon for yor throne. Yu dey rule with trut and love wey nor dey fail.

Isaya 9:7

En royal pawa go kontinue to grow. En kingdom go get peace forever. E go rule well like King David kon do betta tins with en pawa; e nor go opress pipol and E go rule from naw go rish wen di world go end. God Almighty go do all dis tins.

Amos 5:15

Make una hate bad tins kon love to do good, den dey judge well for kourt. May bi God go sorry for di pipol wey still remain for dis land.

Amos 5:24

Instead, make korrect judgement dey rush like river, while raitiousness go bi like river wey nor dey dry.

Hibru 11:33

na faith dem take win kingdoms; do wetin good for God eye; kon get di tins wey God promise dem; klose lion mout;

1 Samuel 14:47

Afta Saul don bikom Israel king, e fight all dia enemies wey dey round dem wey bi: Moab, Ammon and Edom pipol, Zobah king and Filistia pipol. Anywhere e for go fight, God dey make am win.