2 Samuel 24:17 - Holy Bible Nigerian Pidgin English

¹⁷ David si di angel wey dey kill di pipol and e tell God, “Na mi dey guilty, na mi bi di pesin wey do wrong. Wetin dis poor pipol do? Make yu ponish mi and my family.”

2 Samuel 24:17 ပူးပေါင်းရင်းမြစ်များ

Jenesis 18:23

Abraham go meet Oga God kon ask, “Yu won really distroy doz wey nor do bad with doz wey do bad?

Jenesis 44:33

So naw, make yu allow mi bi yor slave instead of dis boy. But for di boy, make e follow my brodas go back.

2 Samuel 12:13

So David sey, “I don sin against God.” Natan ansa, “God don forgive yu, so yu nor go die.

2 Samuel 24:10

But wen David don kount di pipol finish, en heart kon dey judge am, den e tell God, “I don kommit big sin for dis tin wey I do! Abeg, make Yu forgive mi. Na foolish tin I do so.”

2 Samuel 7:8

So make yu tell David wey bi my savant sey, di Oga God sey, ‘I take yu komot from where yu dey kare for animal kon make yu rule Israel wey bi my pipol.

1 Kings 22:17

So Mikah kon ansa, “I si Israel soja wey skata for evriwhere for di hill like sheep wey nor get who dey kare for dem. And God sey, ‘Dis men nor get leader, so make dem go dia house with peace.’ ”

Job 42:6

So I dey shame, bikos of all wetin I don tok and I go pak dust for my head to take show sey I dey sorry for all wetin I tok.”

Job 7:20

Yu wey dey wosh us, na wetin I do Yu? Abi I don sin against Yu? Why Yu dey target mi? I bi wahala to Yu?

Psalms 32:5

So, I konfess all my sins kon stop to hide all di bad tins wey I dey do. I tell mysef sey, “I go konfess my sins to God.” And E really forgive mi!

Psalms 44:11

Yu don busher us give dem like animal wey dem won chop kon skata us among di nashons.

Psalms 74:1

My God, wetin make Yu rijet us forever? Wetin make Yu dey vex for yor own sheep wey dey yor field?

Psalms 78:71

E take David from where e for dey kare for animals kon make am leader among Jakob shidren-shidren, wey bi Israel God own.

Exodus 10:16

Den Fero kwik-kwik sey make dem koll Moses and Aaron and e tell dem, “I don sin against di Oga una God and against una!

Isaya 6:5

I kon sey, “My own don finish, bikos evry word wey dey komot from my mout, na sin full am and I dey stay with pipol wey all dia words na sin and naw, I don use my eyes si Oga God wey bi di king wey get pawa.”

Jonah 1:12

Jonah ansa, “Make una trow mi inside di wota and di breeze go stop. Bikos na mi kause dis wahala for una.”

Zekaraya 13:7

God wey dey mighty sey, “Swod! Make yu go attack and kill di shepad wey dey work for mi, den all di sheep go skata. I go attack my pipol

Nombas 16:22

Den dem fall face groun kon sey, “My God, di God of all pipol spirit, Yu go vex for di whole kommunity wen e bi sey na only one pesin sin?”