2 Samuel 15:30 - Holy Bible Nigerian Pidgin English

³⁰ David kon go Mount Olives bigin kry. E nor wear any shoe and e kover en head to show how e nor dey happy. All di pipol wey follow am still kover dia head as dem dey kry.

2 Samuel 15:30 ပူးပေါင်းရင်းမြစ်များ

2 Samuel 15:29

So Zadok and Abiatar karry di Kovenant Box go Jerusalem kon stay der.

2 Samuel 19:4

Di king kover en face bigin kry dey sey, “O-o my pikin! O-o my pikin Absalom! Absalom my pikin!”

2 Samuel 19:5

Joab go di king house kon tell am, “Today, yu don disgrace yor men, di men wey save yu, yor shidren, wifes and yor girl-friends.

Estha 6:12

Den Mordekai go back to di palis gate, while Haman kover en face with shame kon run go house.

Psalms 42:3

I dey kry both day and nite and na tears bi di only food wey I dey chop and my enemies dey tell mi sey, “Where dat yor God dey sef?”

Psalms 43:5

Wetin make my soul dey weak? Wetin make my heart nor happy at-all? But I go put my hope for God hand! I go praiz am again, bikos na-im bi my Savior and God!

Ezekiel 24:17

Nor let pipol hear yu kry. Nor skrape yu head or waka with ordinary leg like sey yu dey mourn. Nor kover yor face or chop di kind food wey pipol wey dey mourn dey chop.”

Ezekiel 24:23

Una nor go skrape una head or waka with ordinary leg like pipol wey dey mourn. Bikos of una sins, una go die anyhow kon dey komplain give each oda.

Zekaraya 14:4

For dat time, E go stand on-top Mount Olives kon face di east side for Jerusalem. Den Mount Olives go divide into two from east go west. Half part for di mountin go-go nort and di remainin part go-go sout.

Matiu 5:4

God go bless una wey dey mourn, bikos E go make una happy.

Luke 19:29

Wen e rish Betpage and Betany, for di place wey dem dey koll Mount Olives, e kon send two of en disciples sey,

Luke 19:37

As e dey enter di road wey go Mount Olives, all di disciples kon dey happy, dey praiz God with loud vois for all di mirakles wey dem si.

Luke 19:41

Wen Jesus near Jerusalem, e look di town kon dey kry,

Luke 21:37

So, Jesus kon dey tish for di temple evriday, but wen nite rish, e go-go Mount Olives.

Luke 22:39

Den Jesus komot, kon waka as e dey always do, go Mount Olives and en disciples follow am.

Acts 1:12

So dem go back to Jerusalem from Mount Olives (wey dey near Jerusalem and di place wey dem waka so, far pass how di law dey allow pipol waka for Sabat Day).

Romans 12:15

Wen pipol dey happy, make una follow dem happy and wen dem dey kry, make una follow dem kry too.

1 Korintians 12:26

If one part dey sofa, di oda parts dey sofa too. But if dem praiz one part, di oda parts go dey happy.