2 Samuel 12:13 - Holy Bible Nigerian Pidgin English

¹³ So David sey, “I don sin against God.” Natan ansa, “God don forgive yu, so yu nor go die.

2 Samuel 12:13 ပူးပေါင်းရင်းမြစ်များ

Jenesis 39:9

Na mi big pass for dis house and my oga don give mi evritin escept yu, bikos yu bi en wife. So wetin go make mi do dis kind wikedness kon sin against God?”

2 Samuel 24:10

But wen David don kount di pipol finish, en heart kon dey judge am, den e tell God, “I don kommit big sin for dis tin wey I do! Abeg, make Yu forgive mi. Na foolish tin I do so.”

2 Samuel 24:17

David si di angel wey dey kill di pipol and e tell God, “Na mi dey guilty, na mi bi di pesin wey do wrong. Wetin dis poor pipol do? Make yu ponish mi and my family.”

1 Kings 13:4

Wen King Jeroboam hear dis tin, e point kon sey, “Make una hold dat man!” At wons, di king hand paralaiz and e nor fit strait am again.

1 Kings 21:20

Wen King Ahab si Elijah, e kon sey, “My enemy, yu don find mi si abi?” Elijah ansa, “Yes! I don find yu si. Yu don do wetin nor dey good at-all for God eye.

1 Kings 22:8

King Ahab ansa, “E get anoda one, en name na Mikaya wey Imlah born. But I hate am, bikos e nor dey profesai anytin wey dey good give mi, na only bad tin e dey tell mi.” King Jehoshafat kon sey, “Make yu nor tok like dat!”

2 Kings 1:9

Den di king send one offisa with fifty sojas make dem go arrest Elijah kom. Dem go meet Elijah for where e sidan on-top hill kon tell am, “Profet! Di king sey make yu follow us kom!”

1 Kronikles 21:8

David tell God, “Na big sin I don kommit so, bikos I kount di pipol. Abeg make Yu forgive mi, bikos of dis foolish tin wey I do.”

2 Kronikles 16:10

Asa vex well-well for di profet, so e kon put am for prison. Dat time, King Asa still vex opress some pipol.

2 Kronikles 25:16

As e dey tok, King Amazaya kon tell am, “Na who choose yu to advise di king? Make yu stop to profesai or dem go kill yu trowey!” Di profet stop kon sey, “I know sey God one distroy yu, bikos of dis tins wey yu do and yu nor gri listin to my advise.”

Job 33:27

Di pesin go sing give odas sey, ‘I sin kon do wetin dey bad, but God nor ponish mi as e suppose to bi.’

Psalms 103:12

Just as east far from west, na so too E make awa sins far from us.

Psalms 51:16

Nor bi sakrifice or burnt ofrin yu wont, if not, I for offa sometin give Yu.

Psalms 51:4

I don really sin against Yu; I don do bad tins for yor present. Evritin wey Yu dey tok dey rite and di way Yu take judge my kase, dey good.

Psalms 51:6

But even before dem born mi, Yu don plan betta tins for mi kon dey tish mi wisdom.

Exodus 9:27

So Fero send for Moses and Aaron kon tell dem, “Dis time I gri sey I don sin! God dey holy and na mi and my pipol dey guilty.

Proverbs 25:12

Wen wise pesin advise pesin wey ready to listin, wetin e tok, betta pass fine gold ring or necklace.

Proverbs 28:13

Yu nor go ever susid for life if yu try to hide yor sin. Konfess and stop to do dem and God go show yu mesi.

Isaya 38:17

Di pain wey I go thru na for my own good. Yu save my life from all di wahala kon forgive mi my sins.

Isaya 43:24

Una neva buy any incense for mi or give mi di fat for una animal as ofrin. Yet una dey wahala mi with una sins kon make mi dey vex bikos of una yeye ways.

Isaya 44:22

I don remove una sins komot like sey na tick kloud. So make una turn kom meet mi, bikos na mi bi di Pesin wey save una.”

Lamentashons 3:32

Even doh sey E dey make us sofa naw, E still dey sorry for us, bikos en great love for us nor dey end.

Levitikus 20:10

If anybody sleep with en neighbour wife, dem must kill both di man and di woman.

Levitikus 24:17

If pesin beat pesin die, dem must kill dat pesin too.

Zekaraya 3:4

Den di angel tell doz wey stand near am, “Make una pul di dirty klot wey dis man wear so, komot from en body.” Den e tell Joshua, “I don forgive yu all yor sins and naw, I go give yu new klot make yu wear.”

Matiu 14:10

So e send en sojas go kut John head for inside prison.

Luke 15:21

“Den di pikin tell am, ‘Papa, I don sin against heaven and yu. I nor rish make dem koll mi yor pikin again. Make yu take mi as yor worker.’

Luke 18:13

“But di tax kollector stand for far place and e nor even look heaven, but kon nak en chest dey sey, ‘God, make yu sorry for mi, bikos I bi sina!’

Acts 2:37

Wen di pipol hear dis prishin, e trobol dem for mind well-well and dem kon ask Pita and di rest apostles, “Awa brodas, wetin wi go do naw?”

Hibru 9:26

bikos if na so, Christ for dey kom die for us evry year since di time wey God kreate di world. But nor bi so! E die wons and for all, so dat awa sins go-go forever.

1 John 1:7

But if wi dey inside di lite as en ensef dey inside lite, all of us go bi en friend and Jesus wey bi en pikin, go use en blood take wosh all awa sins komot.

Revelashon 1:5

and from Jesus Christ, di witness wey dey tok trut; di first-born among doz wey God raiz from deat and naim bi di King of all kings. Christ wey love and free us from awa sins with en own blood;

1 Samuel 15:20

Den Saul tell Samuel, “But I don obey God! I go as E send mi. I bring Amalek king, Agag kom back, afta I don kill all of dem finish.

1 Samuel 15:30

Saul ansa again, “I know sey I don sin, but make yu nor disgrace mi before all dis pipol. Abeg, follow mi make wi go woship di Oga wey bi yor God.”